Вы тут

Нашы прыярытэты на еўрапейскай адукацыйнай прасторы


Міністр адукацыі Ігар Карпенка коратка пракаментаваў змяненні, якія плануюць унесці ў новую рэдакцыю Кодэкса аб адукацыі, у эфіры тэлеканала «Беларусь-1».


— Казаць аб глабальных змяненнях я не стаў бы. Глабальныя ўзрушэнні нам не патрэбны, — адзначыў ён. — Разам з тым сістэма адукацыі павінна ўдасканальвацца і ісці ў нагу з часам. Новую рэдакцыю Кодэкса аб адукацыі мы вынесем на шырокае абмеркаванне прафесіяналаў і беларускай грамадскасці. Дакумент размесцім на сайце Міністэрства адукацыі. Правядзём шэраг сур'ёзных сустрэч з педагогамі і заказчыкамі кадраў.

Асобна міністр спыніўся на папраўцы, якая дазволіць на месцах вырашаць пытанне з допускам у першы клас пяцігадовых дзяцей. Ён зазначыў, што і цяпер у школу могуць прыйсці дзеці, каму шэсць гадоў спаўняецца да 30 верасня, проста працэдура атрымання дазволу на гэта для бацькоў пакуль больш складаная і працяглая.

Адказваючы на пытанне пра магчымы адток моладзі з Беларусі пасля нашага ўступлення ў Балонскі працэс, Ігар Карпенка падкрэсліў, што рызыка такая ёсць, але ў той жа час перад намі адкрываюцца дадатковыя магчымасці для пашырэння гандлёва-эканамічнага супрацоўніцтва, у тым ліку па экспарце адукацыйных паслуг. «Балонскі працэс — гэта адкрытая адукацыйная прастора, і мы павінны дакладна разумець нашы прыярытэты. Кадры, якія рыхтуюцца за бюджэтныя сродкі, павінны забяспечваць, найперш, работу нашай эканомікі — стабільна, якасна, на высокім узроўні, з годнымі заробкамі», — упэўнены Ігар Карпенка.

Міністр адукацыі выступае за павышэнне адказнасці заказчыкаў кадраў за замацаванне маладога спецыяліста на працоўным месцы: «Сусветныя тэндэнцыі сёння такія, што многія краіны, разумеючы затратнасць адукацыйнага працэсу, імкнуцца перавабліваць да сябе падрыхтаваных спецыялістаў. У сувязі з гэтым нам важна працаваць з эканамічнай інфраструктурай. Павінна быць пэўная адказнасць заказчыкаў кадраў за замацаванне маладога спецыяліста на працоўным месцы. У рэшце рэшт, гэта задача не толькі сістэмы адукацыі, але і таго працадаўцы, які заказаў падрыхтаваць яму таго ці іншага спецыяліста, прычым за бюджэтныя грошы».

Змяненні ў Правілы прыёму ў ВНУ, зацверджаныя кіраўніком дзяржавы, як запэўніў Ігар Карпенка, былі чаканыя і рыхтаваліся па выніках аналізу апошняй уступнай кампаніі. Галоўная перавага беларускай сістэмы вышэйшай адукацыі — роўны доступ да яе атрымання для ўсіх абітурыентаў, вынішчэнне карупцыйнага складніка. І ўсё ж асобныя аспекты патрабуюць удасканалення.

— Мы за сертыфікатамі часам не бачым асобу абітурыента, — падзяліўся сваімі думкамі міністр адукацыі. — Трэба падумаць, што мы можам зрабіць для таго, каб убачыць, наколькі малады чалавек матываваны на тую ці іншую прафесію.

Ігар Карпенка зазначыў, што абітурыенты, якія паступаюць у ВНУ, павінны мець дастаткова высокія балы. «Таму што паступленне — гэта толькі першы крок, а потым усіх чакае вельмі сур'ёзная насычаная праграма фундаментальнай падрыхтоўкі ў спалучэнні з прафесійнай і агульнагуманітарнай, і часам многія гэты тэмп не вытрымліваюць», — дадаў ён.

Надзея НІКАЛАЕВА

nіkаlаеvа@zvіаzdа.bу

Загаловак у газеце: Без глабальных узрушэнняў

Дадаць каментар

Выбар рэдакцыі

Грамадства

На Гродзеншчыне ўшанавалі хлеб, лён, бульбу, памідор і дуб

На Гродзеншчыне ўшанавалі хлеб, лён, бульбу, памідор і дуб

Самабытныя, смачныя і пазнавальна-творчыя святы адбыліся сёлета ў розных раёнах Гродзеншчыны.

Эканоміка

Навошта нам долары?

Навошта нам долары?

Намеснік старшыні праўлення Нацыянальнага банка Беларусі Сяргей Калечыц расказаў аб дэдаларызацыі эканомікі Беларусі Сыходзіць ад прывязкі

Грамадства

Перадабортнае кансультаванне — гэта перш за ўсё клопат пра жанчыну

Перадабортнае кансультаванне — гэта перш за ўсё клопат пра жанчыну

У ліпені ў Мінску ў трох паліклініках — 10-й, 23-й і 37-й — былі адкрыты кабінеты «За жыццё», дзе праводзяць перадабортнае кансультаванне.

Грамадства

Наколькі складана ў нашай краіне стаць кандыдатам і доктарам навук?

Наколькі складана ў нашай краіне стаць кандыдатам і доктарам навук?

Ці лічыце вы мэтазгодным устанаўленне адзіных патрабаванняў да саіскальнікаў вучоных ступеняў па колькасці апублікаваных навуковых работ незалежна ад галіны навукі?