Сі Цзіньпін возьме ўдзел у Давоскім форуме

Гэта будзе першым выпадкам удзелу лідара КНР у дадзеным мерапрыемстве.

Міністэрства замежных спраў КНР аб'явіла, што ў сярэдзіне студзеня  старшыня КНР Сі Цзіньпін наведае Швейцарыю з дзяржаўным візітам, а таксама прыме ўдзел у штогадовым сусветным эканамічным форуме ў Давосе. Гэта будзе першым выпадкам удзелу лідара КНР у форуме ў Давосе, а таксама самым высокім узроўнем кітайскай дэлегацыі, перадае “Жэньмінь жыбаа” анлайн”. 

Сі Цзіньпін прымае ўдзел у форуме ў якасці старшыні другой найбуйнейшай эканомікі свету, што адлюстроўвае не толькі значнасць, якую Кітай надае форуму ў Давосе, але і адлюстроўвае садзейнічанне краіны ў справе ўдасканалення глабальнага кіравання, адказнасць дзяржавы ў тым, каб сумеснымі намаганнямі справіцца з глабальнымі выклікамі.

 Форум у Давосе заўсёды выступаў за эканамічную глабалізацыю, атрымаў назву "неафіцыйнага міжнароднага эканамічнага саміту на вышэйшым узроўні". Кітай на працягу доўгага часу падтрымлівае добрыя адносіны супрацоўніцтва са сусветным эканамічным форумам. З 1979 года Кітай шмат разоў быў запрошаны да ўдзелу ў ім. У 1991 годзе прэзідэнт форуму Клаўс Шваб прыехаў у Кітай з адмысловым візітам, каб запрасіць прэм'ера Дзяржсавета Кітая прыняць удзел у форуме. З тых часоў кітайскія лідары шмат разоў прымалі ўдзел у мерапрыемстве на чале дэлегацый. 

Заснавальнік форуму Клаўс Шваб на працягу многіх гадоў надае вялікае значэнне КНР і актыўна супрацоўнічае з Кітаем. У 2005 годзе Шваб прапанаваў праводзіць "Летні Давос" у Кітаі, пачынаючы з 2007 года, "Летні Давос" ужо дзесяць разоў прайшоў у Кітаі. За апошнія 10 гадоў кітайская эканоміка была гарачай тэмай Давоскіх форумаў, што прывяло да іх большай папулярнасці. Новая норма кітайскай эканомікі, замежныя інвестыцыі Кітая, інавацыі як рухаючая сіла эканомікі -- усё гэта з задавальненнем абмяркоўвае эліта, якая ўдзельнічае ў Давоскім форуме. 

Раней некаторыя навукоўцы на форуме казалі, што Давос неймаверны без удзелу кітайскай дэлегацыі. Навукоўцы падлічылі, што ў 2016 годзе тэмпы эканамічнага росту Кітая склалі 6,7 працэнта, краіна працягвае заставацца найбуйнейшым рухавіком сусветнага эканамічнага росту. Што тычыцца арганізатараў і ўдзельнікаў Давоскага форуму, для іх "кітайскі кампанент" мае вырашальнае значэнне. Цяпер сусветная эканоміка перажывае спад, пасля  "залатога стагоддзя" развіцця глабалізацыі, якое доўжылася больш за 60 гадоў, у некаторых развітых краінах з'явіліся прыкметы антыглабалізму і пратэкцыянізму. У той жа час Кітай рашуча рухаецца наперад, актыўна садзейнічае глабальнаму эканамічнаму кіраванню і рэгіянальнай інтэграцыі, павышае давер міжнароднай супольнасці і адказнасць дзяржавы. 

Прапанаваная Кітаем ініцыятыва "Пояса і шляху" атрымала шырокае прызнанне і водгук міжнароднай супольнасці. Кітай выходзіць у цэнтр сусветнай арэны, спрыяе росту сусветнай эканомікі і павялічвае ўклад у глабальнае кіраванне. Сёння сусветная эканоміка знаходзіцца ў цяжкіх умовах, мае патрэбу ў сіле і падтрымцы Кітая, міжнароднае эканамічнае кіраванне перажывае рэформы, з надзеяй глядзіць на Кітай, у Давосе чакаюць "пачуць гучны голас Кітая".