29 верасня, аўторак

Вы тут

Фальклорны фэст у Іванаве


На Стары Новы год ў Іванаве адбудзецца рэгіянальны фальклорны фестываль “Фальклор без межаў”. Да палешукоў збіраюцца госці з розных куткоў Беларусі, а таксама з Расіі, Польшчы, Украіны.


Пачнецца свята 13 студзеня ў Цэнтры культуры і народных рамёстваў. Там будзе не толькі весела, але і смачна, бо гаспадары запланавалі выставу-дэгустацыю. Ну а ў Іванаве заўсёды ўмелі частаваць, сведчаннем таму хоць бы вядомыя “Мотальскія прысмакі”.

Пад’еўшы, госці паглядзяць тэатралізаваную праграму “Добры вечар, пане гаспадару!”, а потым пачнецца народнае гулянне “Шчодраўскія забаўлянкі”.

Назаўтра святкаванне працягнецца ў Тышкавічах з песнямі, танцамі, святочным гандлем. Там жа адбудзецца гала-канцэрт.

Святлана ЯСКЕВІЧ

Выбар рэдакцыі

Культура

У Вялікім тэатры Беларусі чакаецца 300-ы паказ балета «Стварэнне свету»

У Вялікім тэатры Беларусі чакаецца 300-ы паказ балета «Стварэнне свету»

Пагаварылі з некаторымі з тых людзей, якія спрычыніліся да вялікай працы.