Усходні гараскоп на наступны тыдзень

АВЕН. Воля плюс мэтанакіраванасць, плюс арганізатарскія здольнасці — немінучы поспех. Дзякуючы сваёй працаздольнасці вы можаце дасягнуць небывалых вышынь. Ёсць небяспека занадта захапіцца нязбытнымі марамі, што адарве вас ад рэальнасці і не дазволіць вырашаць надзённыя праблемы. Да канца тыдня паспрабуйце знайсці час для блізкіх. Субота — найбольш прыдатны дзень для хатніх клопатаў. У асабістым жыцці неабходны перапынак у адносінах, каб прыняць некаторыя важныя для сябе рашэнні.

ЦЯЛЕЦ. Дынамічны тыдзень, так шмат падзей, што вам будзе проста не хапаць ні сіл, ні часу, каб за імі ўсачыць. У некаторых выпадках давядзецца літаральна разрывацца, каб паспець усюды. Можа ўзнікнуць адчуванне, што ад вас занадта шмат патрабуюць і занадта мала даюць. У першай палове тыдня неабходна старанна выконваць прафесійныя абавязкі, пераадольваючы таемнае супраціўленне некаторых калег. Чацвер і пятніца — спрыяльныя дні для таго, каб заняцца кар'ерай. Не забывайцеся пра ўплывовых заступнікаў.

БЛІЗНЯТЫ. Прыйдзецца ўраўнаважваць некаторыя рысы свайго характару, каб дамагчыся вызначаных мэт і не паўтарыць памылак нядаўняга мінулага. Зможаце атрымаць менавіта тое, чаго даўно хацелі. Так што будзе нагода для радасці. У выхадныя дні адпачыць ад праблем атрымаецца толькі дома, таму, калі на гэты дзень намечаны сустрэчы, іх пажадана адкласці. Калі, вядома, вы не хочаце вырашаць чужыя праблемы. З матэрыяльнага пункта гледжання — час даволі паспяховы. Можаце разлічваць на фінансавыя паступленні, стабільнасць у справах і з'яўленне новых магчымасцяў для заробку.

РАК. Вас могуць чакаць новыя знаёмствы і цікавыя сустрэчы. З самага пачатку тыдня будзьце на ўсялякі выпадак гатовыя да таго, каб памяняць работу і кола зносін. У чацвер на першы план выйдуць не словы, а ўчынкі: менавіта па іх варта ацэньваць навакольных. У пятніцу можа накрыць хваля раздражнення: паспрабуйце не рабіць занадта ўжо гучных скандалаў. Калі вас чакае гутарка або экзамен, вы пройдзеце іх паспяхова. Так што ў выхадныя будзе што адзначыць з блізкімі людзьмі.

ЛЕЎ. У пачатку тыдня трэба будзе заняцца рашэннем старых праблем і завяршэннем спраў, пачатых яшчэ ў мінулым годзе. У аўторак будзьце асцярожныя, вас можа чакаць добра замаскіраваны падман. Пачынаючы з чацвярга, надыходзіць спрыяльны час для старту чагосьці новага і незвычайнага. Выяўляючы сябе з лепшага боку, набудзеце значнасць і аўтарытэт у вачах навакольных. Удалымі могуць быць планы і задумы, якія вы будзеце рэалізоўваць у суботу. У нядзелю пастаўцеся з увагай да праблем родных.

ДЗЕВА. На працы, якія б намаганні вы ні прыкладалі, істотных змен у вашым становішчы пакуль не прадбачыцца. Затое можаце паспяхова вырашыць праблемы з жыллём. У сераду смела разлічвайце на дапамогу сяброў або родных. У чацвер лепш не прымаць паспешлівых рашэнняў у асабістым жыцці. Неабходна будзе старанна прадумаць і аб'ектыўна ацаніць прапанову, якая паступіла вам. Субота парадуе цікавай інфармацыяй, якая дазволіць змяніць у лепшы бок стан спраў у сям'і.

ШАЛІ. Удача можа апынуцца на вашым баку, але сёння яна будзе вельмі пужлівая. Неабходна рэалістычна паглядзець на рэчы і не падманваць сябе марнымі надзеямі. Некаторыя людзі з вашага асяроддзя пакажуць свае сапраўдныя твары, што будзе вельмі цікавым відовішчам. Акрамя таго, такая шчырасць дазволіць умацаваць адносіны з тымі людзьмі, якім вы сапраўды неабходныя і дарагія. Пачынаючы з чацвярга, праявіце ініцыятыву і прадпрымальнасць у чымсьці новым, хоць гэта ўхваляць далёка не ўсё.

СКАРПІЁН. Тыдзень будзе дастаткова цікавым, насычаным разнастайнымі падзеямі. Не спяшайцеся пачынаць штосьці новае, паспрабуйце не фарсіраваць падзеі. На ўсе вашы пытанні адкажуць і ясна дадуць зразумець, што вас цэняць і на вас спадзяюцца. Разлічвайце на падтрымку акружэння, не імкніцеся рабіць усё ў адзіночку, бо дзякуючы дапамозе з боку вы даможацеся выніку значна хутчэй. Паспрабуйце захоўваць душэўную раўнавагу і вучыцеся радавацца таму, што маеце. І вас чакае сапраўдны поспех.

СТРАЛЕЦ. У вашым жыцці наспелі сур'ёзныя перамены, на жаль, яны будуць адбывацца не зусім лёгка і прыемна. Тыдзень будзе паласатым. Зрэшты, светлых палос чакаецца значна больш, чым чорных. Справіцца з сур'ёзнымі задачамі дапаможа творчы патэнцыял, асабліва, калі вы не пасаромеецеся яго праявіць. Вялікую ролю адыграе інтуіцыя. Падтрымка можа прыйсці з зусім нечаканага боку, магчымы пачатак новых партнёрскіх адносін. Але не забывайце, што праблемы трэба вырашаць, а не ныць і скардзіцца на жыццё.

КАЗЯРОГ. Першыя два дні тыдня спрыяльныя для далёкіх паездак, падарожжаў, як дзелавых, так і забаўляльных і пазнавальных. У чацвер пастарайцеся пазбягаць цеснага кантакту з начальствам, афіцыйнымі асобамі, людзьмі старэйшага ўзросту, а таксама з любымі структурамі ўлады. У гэты дзень вам могуць быць прад'яўленыя прэтэнзіі, вас прымусяць плаціць па рахунках. Пятніцу пастарайцеся выкарыстоўваць для выпраўлення сваіх памылак, асабліва ў адносінах да калег па рабоце. У суботу ўвечары спатрэбіцца дастаткова шмат часу, каб вырашыць праблему, якая раптам узнікла.

ВАДАЛЕЙ. Душа будзе патрабаваць рамантыкі, у той час як зоркі настойліва рэкамендуюць праявіць як мага большую практычнасць ва ўсіх галінах. Лёс можа даць шанц вырашыць многія праблемы. Вельмі дарэчы будзе пачуццё меры, у тым ліку і ў працы. Давядзецца разлічваць толькі на свае сілы, бо сябры і сваякі пры ўсім жаданні нічым не змогуць дапамагчы. У асабістым жыцці зараз цішыня і спакой. І пакуль не варта чакаць запалу і бур.

РЫБЫ. Павышаная дзелавая актыўнасць дазволіць паспяхова разабрацца з многімі справамі, што само па сабе ўжо прынясе як маральнае задавальненне, так і канкрэтную карысць. Вас могуць збянтэжыць і нават засмуціць праблемы ў прафесійнай сферы. Давядзецца прымаць рашучыя меры, у тым ліку і тыя, якія не вельмі падабаюцца. Выбар, які давядзецца зрабіць, можа змяніць ваш далейшы лёс. Спатрэбіцца парада калег або блізкіх сяброў. У асабістым жыцці крыўдлівасць толькі пашкодзіць, больш усміхайцеся і жартуйце.