Музей мініяцюр славутасцей Беларусі, калядкі ў Доме Ваньковічаў, фестываль сям'і і архітэктура Польшчы – афіша «Звязды» з 2 па 8 студзеня.
Дзе: Дом Ваньковічаў (вул. Інтэрнацыянальная, 33а)
Калі: 6 студзеня, 12:00 і 14:00
Колькі каштуе: 10 р.
6 студзеня ў Доме-музеі Ваньковічаў адбудзецца калядная праграма для дзяцей і іх бацькоў з удзелам маладога, але ўжо вядомага фолк-гурта «HARMONIC STYLE PROJECT».
Музыкі падрыхтавалі казачнае мерапрыемства. Так, арганізатары абяцаюць песні, танцы і народныя гульнні.
Праграма прадугледжвае таксама і агляд экспазіцыі музея-сядзібы Ваньковічаў.
Дзе: Цэнтральны дзіцячы парк ім. Максіма Горкага (вул. Фрунзе, 2)
Калі: 6 студзеня, 13:00
Колькі каштуе: бясплатна
Гэта дабрачыннае мерапрыемства для жыхароў і гасцей горада, якое праводзіцца ўжо трэці год запар пад дэвізам «Шчасце даступна кожнаму». У мінулым годзе яго наведала каля 15 тысяч чалавек.
На сцэне будзе праходзіць канцэртная праграма, у якой прымуць удзел творчыя і музычныя калектывы з усёй краіны. Акрамя таго, гасцей чакаюць танцавальныя майстар-класы, сілавое шоў, тэатралізаваныя паказы, сямейныя гульні і конкурсы.
Дзе: Нацыянальны мастацкі музей Рэспублікі Беларусь (вул. Леніна, 20)
Калі: па 10 студзеня, 11:00-19:00
Колькі каштуе: удакладняць у касе
У экспазіцыі прадстаўлены іканапісныя працы XVII–XIX ст.ст., традыцыйныя беларускія касцюмы XIX – першай паловы XX ст. з маскамі пераапранутых. Асаблівай увагі заслугоўваюць працы сучасных вядомых майстроў саломапляцення (Селівончык Л.І., Лось Л.М.), творы якіх не толькі адлюстроўваюць эстэтыку і традыцыі беларускага народа, але і дазваляюць прасачыць эвалюцыю ўдасканалення тэхналагічных прыёмаў.
Дзе: Гарадская мастацкая галерэя Л. Шчамялёва (вул. Рэвалюцыйная, 10)
Калі: па 15 студзеня, сер.-нядз.:11:00-19:00
Колькі каштуе: удакладняць у касе
На выставе прадстаўлена графічная, фота і тэкставая інфармацыя пра 24 новапабудаваныя або адрэстаўраваныя будынкі. Акрамя грамадскіх будынкаў, тут ёсць офісныя будынкі, жылыя дамы, грамадскія прасторы.
Кожны з аб'ектаў, сфатаграфаны лепшымі польскімі фатографамі архітэктуры, раскрывае сваю выключнасць.
Выстава арганізавана сумесна з Польскім Інстытутам у Мінску, Дэпартаментам публічнай і культурнай дыпламатыі Міністэрства замежных спраў Рэспублікі Польшча і часопісам «Архітэктура-Муратар».
Дзе: Палац прафсаюзаў (пр-т Незалежнасці, 25)
Калі: пастаянная экспазіцыя, 11:00-20:00
Колькі каштуе: 7 р., школьнікі, студэнты, пенсіянеры – 5 р.
24 снежня ў будынку Палаца прафсаюзаў у Мінску адкрыўся музей мініяцюр славутасцей Беларусі. У паменшанай копіі можна ўбачыць Нацыянальную бібліятэку, Холмскія вароты, замкі – Лідскі, Нясвіжскі і Косаўскі, а яшчэ «Віскулі» і іншыя аб'екты.
У музеі ёсць зона для фота: гэта невялікі «закуток беларускай хаткі», дзе можна будзе пераапрануцца ў нацыянальныя касцюмы і папазіраваць для фота.
Дзе: Дом Ваньковічаў (вул. Інтэрнацыянальная, 33а)
Калі: па 23 студзеня, 10:00-18:00
Колькі каштуе: удакладняць у касе
Анастасія Адамовіч, аўтар мастацкіх лялек, не першы раз выстаўляецца ў музеі. Яе лялькі ўдзельнічалі ў «Ночы музея» ў 2016 годзе, а ў 2009 яна паказвала сваіх герояў на персанальнай выставе.
Дарэчы, Анастасія вельмі актыўны аўтар. На працягу апошніх пяці гадоў яна ўдзельнічае ў 3-4 выставах штогод - такая ў яе прага творчасці і велізарны патэнцыял.
Яна прыдумляе персанажы, назіраючы за сваімі сучаснікамі. Такім чынам у абліччы і характары яе герояў узнікае сплаў характэрных і індывідуальных рыс.
Дзе: Музей гісторыі тэатральнай і музычнай культуры (зав. Музычны, 5)
Калі: па 15 студзеня, 9:00-18:00
Колькі каштуе: 2.50 р.; студэнты – 2 р.; школьнікі – 1.50 р.
Экспанаты для выставы прадаставіла выкладчык французскай мовы Віцебскага філіяла Беларускай дзяржаўнай акадэміі сувязі Наталля Кавалёва. Жанчына пачала збіраць цацкі з 2009 года. За сем гадоў яе калекцыя папоўнілася трыма тысячамі адзінак.
На выстаўцы будуць прадстаўлены цацкі самай разнастайнай тэматыкі: сімвалы савецкага мінулага і казачныя персанажы, расліны і жывёлы, космас і асвойванне Арктыкі. Акрамя гэтага, можна будзе ўбачыць і першыя цацкі з кардону, выпушчаныя ў пачатку мінулага стагоддзя, і ёлачныя ўпрыгожванні 1930-х гадоў з ваты, зробленыя спосабам ручной і верацённай намоткі.
У рамках выставы плануецца калядная забаўляльнай праграма для дзяцей.
Дзе: Дом-музей I з'езда РСДРП (пр-т Незалежнасці, 31а)
Калі: па 31 студзеня, 11:00-19:00
Колькі каштуе: удакладняць у касе
На выставе «Музей ёлачных цацак» дзеці змогуць акунуцца ў чароўную казку, а дарослыя – вярнуцца ў дзяцінства.
Экспазіцыя пабудавана па прынцыпе чароўнага лабірынта, у якім прадстаўлена гісторыя вытворчасці шкляных ёлачных цацак з сярэдзіны ХІХ стагоддзя да нашых дзён.
Акрамя гэтага, можна будзе паглядзець мініятурны калядны гарадок.
Дзе: Нацыянальны гістарычны музей Рэспублікі Беларусь (вул. К. Маркса, 12)
Калі: па 28 лютага, 11:00-19:00
Колькі каштуе: удакладняць у касе
Выстава ў інтэрактыўнай форме пазнаёміць з беларускімі традыцыямі зімовых святаў, асаблівасцямі побыту беларусаў розных саслоўяў у зімовы перыяд у розныя гістарычныя часы.
Каб узмацніць адчуванне зімы, агляд выставы будзе праходзіць пад падаючымі шматкамі снегу, падобнымі на сапраўдны.
Мерапрыемства праводзіцца на добраахвотнай аснове.
Не выявіць ні секунды абыякавасці.
