Навагодняя дабрачынная акцыя “Нашы дзеці” дорыць свята дзецям, якія засталіся без апекі бацькоў. Намеснік міністра прыродных рэсурсаў і аховы навакольнага асяроддзя Сяргей Хрушчоў наведаў дзіцячы дом № 3 Мінска.
У гэтай установе выхоўваюцца дзеці, якія маюць фізічныя і псіхічныя паталогіі. Але яны застаюцца дзецьмі - прыгожымі, усмешлівымі, цікаўнымі і непасрэднымі.
Дзіцячы дом і тэрыторыя вакол яго ўпрыгожаны да навагодняга свята з вялікім густам. А сёння тут адбыўся ранішнік. Гэта было сапраўднае дзіцячае свята, бо выхавацелі падрыхтавалі такі сцэнарый, у якім прадугледжаны ўдзел кожнага дзіцяці. Маленькія снегавічкі, вясёлыя гномы, гарэзлівыя зайчаняты танчылі разам з выхавацелямі, а потым і з гасцямі.
Напрыканцы ранішніка Дзед Мароз уручыў падарунак кожнаму дзіцяці. А як наборы цукерак у прыгожым бауле апынуліся ў яго мяшку? Аб гэтым паклапацілася Міністэрства прыродных рэсурсаў і аховы навакольнага асяроддзя.
- З гэтым дзіцячым домам мы супрацоўнічаем ужо трэці год, - распавеў Сяргей Хрушчоў. – Заўсёды ў добрым кантакце з кіраўніцтвам дзіцячай установы, ведаем, якія ёсць патрэбы, і стараемся дапамагчы. Цяпер была неабходнасць у набыцці кухоннага посуду, і мы ўручылі дырэктару дзіцячага дома Таісіі Кузняцовай адпаведны сэртыфікат. Таксама паклапаціліся, каб у мяшку Дзеда Мароза быў салодкі падарунак для кожнага дзіцяці.
Аксана ЯНОЎСКАЯ
Фота прэс-службы Міністэрства прыродных рэсурсаў і аховы навакольнага асяроддзя.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
