Учора раніцай у расійскай сталіцы падчас рамонту вестыбюля станцыі метро «Каломенская» прагрымеў выбух. Ад інцыдэнту пацярпела сем чалавек (пераважна людзі, што знаходзіліся на прыпынку грамадскага транспарту), чатыры былі шпіталізаваны. Сярод іх апынулася 26-гадовая грамадзянка Беларусі Вераніка Кударавец, інфармацыю пра гэта пацвярджаюць у пасольстве нашай краіны ў Расіі.
Паводле звестак прэс-службы ўстановы, дзяўчына атрымала неабходную медыцынскую дапамогу і была выпісана з клінікі. Супрацоўнікі пасольства працягваюць адсочваць сітуацыю. З ліку іншых пацярпелых як мінімум адзін знаходзіцца ў цяжкім стане. Паводле папярэдняй версіі, прычынай здарэння стала парушэнне тэхнікі бяспекі пры правядзенні зварачных работ — мяркуецца, што выбухнуў газавы балон.
Яраслаў ЛЫСКАВЕЦ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.