Павышаны тарыфы на праезд у грамадскім транспарце Мінска. Адпаведнае рашэнне Мінгарвыканкама №3715 ад 12 снежня 2016 года апублікавана на Нацыянальным прававым інтэрнэт-партале.
Павялічаны фіксаваныя тарыфы на гарадскія перавозкі ручной паклажы пасажыраў: аўтобусамі, тралейбусамі, трамваямі — да 0,55 рубля за правоз аднаго месца ручной паклажы; метрапалітэнам — да 0,60 рубля. Гранічны максімальны тарыф на гарадскія перавозкі пасажыраў аўтобусамі катэгорыі М3 у экспрэсных рэгулярных зносінах устаноўлены ў памеры 0,70 рубля за адну паездку.
Адначасова ў Мінску ўводзяцца пяць новых відаў праязных для наземнага транспарту. Цэны на дакументы зацверджаны раней згаданым рашэннем Мінгарвыканкама. Пасажыры могуць набыць праязныя на 1, 2, 3, 90 сутак, якія дазваляюць незалежна ад колькасці паездак карыстацца на працягу пазначанага часу аўтобусам (у тым ліку экспрэсных маршрутаў), тралейбусам і трамваем. Іх кошт устаноўлены ў 2,60, 4,59, 6,32 і 95,9 рубля. Праязны на 100 паездак для трох відаў наземнага транспарту абыдзецца мінчанам у 43,58 рубля. Таксама, як растлумачылі на прадпрыемстве «Мінсктранс», у рашэнні прапісаны дыферэнцыраваны падыход да тэрміна дзеяння дакументаў, якія лімітуюць колькасць паездак. Раней гаворка ішла аб 60 сутках (уключаючы дату продажу), цяпер яны сапраўдныя на працягу 30, 60 і 80 сутак (для праязных на 10 і 20 паездак, на 30—50 паездак і на 60—100 паездак адпаведна). Акрамя таго, пасажырам, якія маюць праязны на пэўны перыяд часу без ліміту паездак са складнікам «аўтобус-экспрэс», прадастаўлена права на праезд у аўтобусах, са складнікам «аўтобус — тралейбус — трамвай» — на праезд у экспрэсных маршрутах. У прыватнасці, згодна з дакументам, праязныя на ўсе віды наземнага транспарту, у тым ліку разавыя паездкі, запісаныя на БСК, падаражэлі на 5 працэнтаў, цана на разавыя білеты павялічылася на 10 працэнтаў (на 5 капеек). Праезд у наземным грамадскім транспарце цяпер каштуе 55 капеек (на экспрэсных маршрутах — 70 капеек), у метро — 60 капеек. Пры куплі білетаў у кіроўцы іх кошт павышаецца на 5 капеек.
Сяргей РАСОЛЬКА
Існуюць строгія патрабаванні да месцаў для купання.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
