Вы тут

Статус культурнай сталіцы ўрачыста перададзены ад Маладзечна Бабруйску


Год культуры паступова падыходзіць да свайго завяршэння. Многае было зроблена за гэты час. Адсвяткаваны юбілей фестывалю “Славянскі базар у Віцебску”, праведзены рэспубліканскія акцыі “Я люблю Беларусь” і “Мы спяваем гімн разам”. Былі адкрыты шматлікія адноўленыя музейныя экспазіцыі, у тым ліку да 125-годдзя Максіма Багдановіча.


Гэтымі днямі ў Палацы культуры горада Маладзечна адкрылася фотавыстава Юрыя Іванова “Творцы”. У галерэі работ майстра можна было ўбачыць патрэты шматлікіх таленавітых творцаў, у тым ліку Уладзіміра Мулявіна. Дарэчы, менавіта сёлета адзначалася яго 70 годдзе.

У Маладзечне з нагоды падвядзення вынікаў Года культуры і перадачы эстафеты культурнай сталіцы наступнаму шчасліваму ўладальніку – гораду Бабруйску -- адбыўся ўрачысты канцэрт. У глядзельнай зале (і на сцэне) прысутнічалі знакавыя кампазітары нашага часу – Ігар Лучанок, Эдуард Зарыцкі, Алег Елісеенкаў. Удзячную маладзечанскую публіку ўражвалі сталічныя артысты – Ядвіга Паплаўская і Аляксандр Ціхановіч, Дарыя, “Песняры”, “Беларусы”, хор імя Цітовіча, дзяржаўны ансамбль танца і многія іншыя. Натуральна, вялікім упрыгожваннек канцэрту стала выступленне заслужанага аматарскага аркестру пад кіраўніцтвам Рыгора Сарокі.

- Толькі нядаўна мы святкавалі тое, што Маладзечну прысвоена званне культурнай сталіцы – менавіта ў Год культуры ў нашай краіне, – адзначыў Міністр культуры Беларусі Барыс Святлоў. – І вось ужо мы падводзім вынікі. На мой погляд, Маладзечна надзвычай удала ўвайшло ў сузор’е гарадоў, якія былі абвешчаны сталіцамі культуры. Яно не толькі пацвердзіла свой статус, але і больш поўна раскрыла творчы патэнцыял. І паказала не толькі краіне, але і свету, нашы таленты, магчымасці, нашу беларускую культуру. 

Ніна ШЧАРБАЧЭВІЧ

Фота аўтара

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.