Вы тут

Папа Рымскі Францыск адзначае свой 80-ы дзень нараджэння


Сёння свой 80-ы дзень нараджэння адзначае Папа Рымскі Францыск. Ён праславіўся не толькі тым, што стаў першым папам Новага свету (апошнія 1200 гадоў абіралі выключна жыхароў Еўропы), але і дэмакратычнасцю, звычкай весці аскетычны лад жыцця без дарагіх аўтамабіляў і шматлікай аховы. За ўсяго некалькі гадоў яго работы адбылася адзіная ў сваім родзе сустрэча, якую ахрысцілі «эпахальнай» і «гістарычнай», — з кіраўніком Рускай праваслаўнай царквы Патрыярхам Маскоўскім і ўсяе Русі Кірылам.


Трэба адзначыць, што пасля прыходу Папы Рымскага Францыска ўзаемаадносіны паміж Ватыканам і Беларуссю значна пацяплелі. Падчас свайго візіту ў Ватыкан Прэзідэнт Беларусі наведаў Папу Рымскага і запрасіў яго ў нашу краіну. Маўляў, нашто сустракацца на далёкай Кубе, калі можна зрабіць гэта на зямлі, што знаходзіцца ў цэнтры Еўропы і вядомая верацярпімасцю і талерантнасцю. Дарэчы, на гэтым тыдні, падчас цырымоніі ўручэння даверных грамат, апостальскі нунцый у Беларусі Габар Пінтэр выказаў гатоўнасць да арганізацыі візіту Папы і назваў гэта для сябе прыярытэтнай задачай. Ён падкрэсліў, што вельмі аптымістычна глядзіць на перспектывы развіцця адносін паміж Ватыканам і Беларуссю.

З 80-годдзем Папу Рымскага Францыска ад імя беларускага народа і сябе асабіста павіншаваў і Аляксандр Лукашэнка. «Вы падаяце нам прыклад сапраўднай веры і актыўнай грамадзянскай пазіцыі. Жыхары нашай краіны вельмі ўдзячныя Вам за дзейнасць па захаванні і падтрымцы хрысціянскіх каштоўнасцяў, шчыры клопат пра мір ва ўсім свеце і надзённыя праблемы чалавецтва», — гаворыцца ў віншаванні. Кіраўнік дзяржавы адзначыў, што намаганні Папы Рымскага Францыска па ўмацаванні маральных асноў сучаснага грамадства праз развіццё супрацоўніцтва розных канфесій, зберажэнне традыцыйных інстытутаў сям'і выклікаюць павагу і ўдзячнасць вернікаў.

Вераніка ПУСТАВІТ

pustavіt@zvіzda.by

Загаловак у газеце: Папа адзначае юбілей

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

«Разумныя» гарады. Як лiчбавiзацыя зменiць наша жыццё?

«Разумныя» гарады. Як лiчбавiзацыя зменiць наша жыццё?

Наступны этап — стварэнне разумных гарадоў.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.