Рукапісная кніга «Казкі барда Бідля», створаная брытанскай пісьменніцай Джаан Роўлінг, пайшла з малатка на таргах Sotheby's у Лондане за 468 тысяч долараў.
Кніга была ў 2007 годзе падорана пісьменніцай выдаўцу Бары Канінгему, які апублікаваў першы том патэрыяны. На ёй ёсць аўтарскае прысвячэнне: «Бары, чалавеку, які вырашыў, што зацягнуты раман пра хлопчыка-чараўніка ў акулярах, быць можа, атрымаецца прадаць. Дзякуй». У «Казкі барда Бідля» ўваходзяць пяць ілюстраваных гісторый, звязаных з сусветам Гары Потэра. «Казкі» — адна з сямі кніг, уласнаручна напісаных і праілюстраваных Роўлінг. Яна падарыла шэсць копій тым, «хто меў самую блізкую сувязь з кнігамі пра Гары Потэра на працягу 17 гадоў». Сёмая была прададзена на аўкцыёне за 4 мільёны долараў, якія пайшлі на дабрачыннасць.
У лістападзе кніга «Гары Потэр і філасофскі камень» з памылкай друку на задняй вокладцы пайшла з малатка за 54 тысячы долараў, а ў 2007 годзе рарытэтнае першае выданне гэтага рамана было прададзена на аўкцыёне Chrіstіe's за $40,3 тысячы.
Іван КУПАРВАС
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.