Вы тут

У Магілёве затрымалі двух расіян, якія падазраюцца ў серыі ашуканняў


У Магілёве затрымалі двух расіян, якія падазраюцца ў серыі ашуканняў на тэрыторыі Магілёўскай вобласці.


— Упраўленнем крымінальнага вышуку ўпраўлення ўнутраных спраў устаноўлены некалькі фактаў злачыннай дзейнасці, у якіх абгрунтавана падазраюцца затрыманыя грамадзяне Расіі, — паведаміў першы намеснік начальніка УУС Магілёўскага аблвыканкама — начальнік крымінальнай міліцыі палкоўнік міліцыі Аляксандр Васільеў. — Так, з 14 па 27 лістапада, знаходзячыся ў Магілёве, Чэрыкаве і Крычаве, мужчыны звярталіся да работнікаў банкаўскіх устаноў, касіраў аўтазаправачных станцый гульнявых клубаў, казіно, разлікова-касавых цэнтраў з просьбай размяняць купюры рознага наміналу. Аднак, атрымаўшы грошы, адмаўляліся ад размену, забіралі свае купюры, а касірам вярталі не ўсю суму. Такім чынам зламыснікі прысвоілі 2 100 рублёў.

Падраздзяленнямі Следчага камітэта па гэтых фактах распачатыя крымінальныя справы па частцы 1 артыкула 209 КК Рэспублікі Беларусь (махлярства).

Па версіі супрацоўнікаў міліцыі, затрыманыя грамадзяне могуць быць датычныя да іншых аналагічных дзеянняў, здзейсненых як на тэрыторыі Магілёўскай вобласці, так і за яе межамі. Яны просяць адгукнуцца ўсіх тых, хто пацярпеў ад дзеянняў гэтых людзей, або нешта ведае пра аналагічныя факты. Тэлефоны ў г. Магілёве: 29-55-07, 29-55-18 (упраўленне крымінальнага вышуку УУС); 31-07-87, 102 (аператыўна-дзяжурная служба УУС).

Нэлі ЗІГУЛЯ

zіgulya@zvіazda.by

Загаловак у газеце: Вярталі не ўсе грошы

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».