У апошні час беларуска-польскія кантакты знаходзяцца на ўздыме. На гэта звярнуў увагу старшыня Палаты прадстаўнікоў Нацыянальнага сходу Уладзімір АНДРЭЙЧАНКА падчас сустрэчы са Станіславам КАРЧЭЎСКІМ, Маршалам Сената Польшчы.
Па словах Уладзіміра Андрэйчанкі, толькі сёлета віцэ-спікер ніжняй палаты нашага парламента некалькі разоў наведаў Польшчу. Дэлегацыя з галоўнага заканадаўчага органа гэтай краіны таксама ўжо была ў нас у гэтым годзе.
Старшыня Палаты прадстаўнікоў адзначыў, што канструктыўныя і добрасуседскія адносіны з Польшчай заўсёды былі і застаюцца прыярытэтам для Беларусі. Наш бок вітае пазітыўныя тэндэнцыі, якія назіраюцца ў апошні час у развіцці ўзаемадзеяння паміж Беларуссю і Польшчай, паміж парламентамі абедзвюх краін.
«Мы лічым, што вельмі шмат упусцілі ў развіцці нашага супрацоўніцтва — у галіне турызму, чалавечых адносін, у развіцці прыгранічнага супрацоўніцтва, гандлёва-эканамічнага, інвестыцыйнага. Гэты візіт надасць новы дадатковы імпульс нашым адносінам», — падкрэсліў Уладзімір Андрэйчанка.
Акрамя гэтага, спікер Палаты прадстаўнікоў запрасіў польскіх і беларускіх заканатворцаў прымаць удзел у рабоце беларуска-польскай камісіі па гандлёва-эканамічным супрацоўніцтве. Уладзімір Андрэйчанка анансаваў абнаўленне ў бліжэйшы час складу парламенцкай групы дружбы з Польшчай, паколькі ў рэспубліцы пачаў працу новы парламент.
Надзея ЮШКЕВІЧ
Мерапрыемства праводзіцца на добраахвотнай аснове.
Не выявіць ні секунды абыякавасці.