Вы тут

Верхнія палаты Беларусі і Польшчы дамовіліся аб сумеснай рабоце


Адпаведную заяву падчас двухбаковай сустрэчы зрабілі Старшыня Савета Рэспублікі Нацыянальнага сходу Беларусі Міхаіл МЯСНІКОВІЧ і Маршал Сената Рэспублікі Польшча Станіслаў КАРЧЭЎСКІ. Адпаведна ёй, бакі пагадзіліся ўсталяваць пастаянныя сувязі паміж верхнімі палатамі, сфарміраваць парламенцкія групы сяброўства, пашырыць супрацоўніцтва ў сферах эканомікі, гандлю, інвестыцый, навукі і тэхнікі, адукацыі, культуры, аховы здароўя...


«Беларусь з вялікім задавальненнем адзначае інтэнсіфікацыю палітычнага дыялогу з Польшчай. Пры ўзаемнай зацікаўленасці ў гэтым годзе атрымалася прасунуцца ў вобласці палітычных кантактаў ды і эканамічнага супрацоўніцтва таксама. І гатовы да яго пашырэння ва ўсіх сферах», — адзначыў беларускі спікер.

Парламентарый падкрэсліў, што асабліва станоўча пацяпленне адбілася на ўзаемным тавараабароце. Па выніках студзеня—верасня гэтага года ён склаў 1,52 мільярда долараў (у параўнанні з гэтым жа перыядам мінулага года паказчык большы амаль на 10%). У гэты ж тэрмін вырасла колькасць прыцягнутых польскіх інвестыцый у беларускую эканоміку на суму 174,5 мільёна долараў (124% да мінулага года).

Паводле слоў Міхаіла Мясніковіча, у Беларусі хацелі б, каб «канструктыўнае ўзаемадзеянне беларускіх і польскіх парламентарыяў аказвала пазітыўны ўплыў на развіццё кантактаў Нацыянальнага сходу з парламентамі ўсіх краін Еўрапейскага саюза».

Вераніка ПУСТАВІТ

pustavit@zviazda.by

Загаловак у газеце: Тавараабарот, інвестыцыі, ЕС

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».