Якая даўжыня Вялікай Кітайскай сцяны?

Сцяна праходзіць праз 15 правінцый, аўтаномных раёнаў і гарадоў.

У апублікаваным нядаўна Дзяржаўным кіраваннем культурнай спадчыны КНР «Дакладзе аб абароне Вялікай Кітайскай сцяны» сказана, на колькі распасцёрліся тыя яе часткі, якія ацалелі па нашы дні, перадае “Жэньмінь жыбаа” анлайн”. Як сцвярджаюць спецыялісты, агульная даўжыня сцяны цяпер складае 21.196,18 км. 

За розныя перыяды гісторыі Вялікая Кітайская сцяна аказалася раскіданай па 15 правінцыях, аўтаномных раёнах і гарадах і 404 паветах. Сярод іх -- Пекін, Цяньцзінь, правінцыі Хэбэй, Шаньсі, Ляанін, Цзілінь, Хэйлунцзян, Шаньдун, Хэнань, Шэньсі, Ганьсу, Цынхай і Нінся. У 1987 году Вялікая кітайская сцяна была ўнесена ў "Спіс сусветнай спадчыны" ЮНЕСКА. 

У дакладзе адзначаецца, што перыяд Чуньцю (770-476/403 гг. да н.э.) і ў эпоху Ваюючых царстваў (476/403-221 гг. Да н.э.), а таксама ў эпоху дынастый Цынь (221- 207 да н. э.) і Хань (206 да н. э. - 220 н. э.), Вялікая кітайская сцяна была пабудавана з зямлі і каменя. Прычым, у перыяд Чуньцю і Ваюючых царстваў даўжыня Вялікай Кітайскай сцяны складала 3080.14 км, а ў эпоху дынастыі Цынь - 3680.26 км. У эпоху дынастыі Мін (1368-1644 гг.), сцяна адносна паўнавартасна захавалася. Яе асноўная частка пачыналася ў Хушане (правінцыя Ляанін), і заканчвалася ў Цзяюйгуане (правінцыі Ганьсу), з мноствам адгалінаванняў у правінцыях Хэбэй, Шаньсі, Ляанін, Шэньсі, Ганьсу і Нінся. Агульная даўжыня сцяны складала 8851,8 км. 

У сваёй ўсходняй частцы Вялікая Кітайская сцяна складалася ў асноўным з каменных прыступак, цаглін з жоўтазёму, або з каменных прыступак. А заходняя частка сцяны ўяўляла сабой канструкцыі з утрамбаванай зямлі. У Кітаі таксама будавалі сцяну і ў іншыя гістарычныя эпохі. Іх агульная даўжыня складала 4010,48 км. 

Занадта вялікая даўжыня сцяна прывяла да праблем, звязаных з яе захаваннем і рамонтам. У сувязі з гэтым Дзяржаўны камітэт па ахове культурнай спадчыны КНР заявіў, што да канца наступнага года кітайскія ўлады распрацуюць агульны план аховы Вялікай Кітайскай сцяны. Плануецца рэалізаваць серыю інжынерных работ па ўмацаванні і выратаванні ад небяспекі Вялікай Кітайскай сцяны, а таксама выкарыстоўваць беспілотнікі для ўзмацнення маніторынгу канструкцыі, і засяродзіць фінансавую падтрымку на тэрыторыях слабаразвітых раёнаў кітайскіх рэгіёнаў, якія да яе прымыкаюць.