Улады Бразіліі абвясцілі трохдзённую жалобу ў сувязі з крушэннем самалёта, на борце якога ляцелі футбалісты бразільскай каманды «Шапекоэнсе».
Па апошняй інфармацыі, у авіякатастрофе выжылі шэсць чалавек. Усяго на борце знаходзіўся 81 чалавек. Ратавальнікі працягваюць аперацыю па пошуку тых, хто выжыў.
Самалёт з бразільскімі футбалістамі разбіўся ў Калумбіі. Раней паведамлялася, што прычынай авіякатастрофы маглі стаць непаладкі ў электраабсталяванні. Сярод іншых версій — дрэнныя ўмовы надвор'я і нястача паліва ў самалёце.
Прэзідэнт Беларусі Аляксандр Лукашэнка ад імя беларускага народа і сябе асабіста выказаў спачуванні Прэзідэнту Федэратыўнай Рэспублікі Бразілія Мішэлу Тэмеру, а таксама родным і блізкім загінулых у выніку крушэння самалёта. «У Беларусі з глыбокім болем успрынялі трагічную вестку аб шматлікіх чалавечых ахвярах, значную частку якіх склалі грамадзяне Бразіліі», — гаворыцца ў спачуванні.
Мерапрыемства праводзіцца на добраахвотнай аснове.
Не выявіць ні секунды абыякавасці.