Вы тут

Рэспубліканская праграма «Шахматны ўсенавуч» стартавала ў Беларусі


У рамках пілотнага праекта «Шахматы — школе», які патрануюць міністэрствы адукацыі, спорту і турызму, НАК і Прэзідэнцкі спартыўны клуб, было закуплена больш за 300 шахматных набораў для адкрыцця шахматных класаў ва ўстановах адукацыі ва ўсіх рэгіёнах Беларусі.


— Пасля сустрэчы кіраўніка дзяржавы з прэзідэнтам Міжнароднай шахматнай федэрацыі Кірсанам Ілюмжынавым было прапанавана шырока ўвесці вывучэнне гульні ў шахматы ў агульнаадукацыйных школах, — расказаў намеснік міністра адукацыі Віктар ЯКЖЫК. — Для гэтых мэт падрыхтавалі больш за 440 педагогаў, якія змогуць навучаць шахматам школьнікаў першых—чацвёртых класаў. Таксама былі вызначаны ўстановы адукацыі, дзе будзе ўкараняцца факультатыў па праграме «Шахматны ўсенавуч».

Віктар Якжык расказаў, што ёсць сусветны вопыт выкладання шахмат у розных формах. (Для прыкладу, у Арменіі шахматы з'яўляюцца абавязковай дысцыплінай у пачатковай школе.) Педагагічнай і псіхалагічнай навукай даказаны станоўчы ўплыў шахмат, асабліва на дзяцей малодшага школьнага ўзросту. Заняткі шахматамі стымулююць у дзяцей крэатыўнасць, лагічнае мысленне, стратэгічнае планаванне, развіваюць лідарскія якасці.

Праграма шахматнага факультатыву для беларускіх школ разлічана ў навучальным годзе на 29 гадзін. Ініцыятары праекта спадзяюцца, што пасля авалодання шахматнымі навыкамі дзеці будуць свядома папаўняць спецыялізаваныя дзіцяча-юнацкія ўстановы адукацыі і развіваць гэты інтэлектуальны від спорту ў нашай краіне.

Надзея НІКАЛАЕВА

nіkalaeva@zvіazda.by

Загаловак у газеце: Шахматы выхоўваюць лідараў

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.