30 кастрычніка, пятніца

Вы тут

У Мінску мужчына ўгнаў аўто, якое ў яго канфіскавала дзяржава


Супрацоўнікі адзела крымінальнага вышуку Ленінскага РУУС сталіцы разам з калегамі з ГУУС Мінгарвыканкама за крадзеж аўтамабіля «Аўдзі А-6» затрымалі мужчыну.


Грамадзянін растлумачыў, што машына раней належала яму, аднак дзяржаўнымі органамі была канфіскаваная за ўстаноўленыя парушэнні ў дакументацыі. Тады транспартны сродак перадалі ў даход дзяржавы для далейшай рэалізацыі. Мужчына выпадкова ўбачыў сваю колішнюю машыну на вуліцы з новым гаспадаром і вырашыў яе вярнуць. Паназіраўшы, дзе аўто прыпаркавалі, ён узяў дублікат сваіх ключоў, якія пры канфіскацыі не перадаў дзяржаўным органам, прыехаў ноччу і ўгнаў машыну.

Заведзена крымінальная справа. Паводле інфармацыі Ленінскага РУУС Мінска, зламысніку пагражае да сямі гадоў пазбаўлення волі з канфіскацыяй маёмасці. У 2013 годзе ён быў асуджаны за незаконную прадпрымальніцкую дзейнасць, па прыгаворы суда абавязаны быў выплаціць у даход дзяржавы адзін мільярд недэнамінаваных рублёў. Цяпер нідзе не працуе. А летась Мажайскім судом Маскоўскай вобласці мужчына быў асуджаны за захоўванне боепрыпасаў: пазбаўлены волі на шэсць месяцаў з адбыццём пакарання ў калоніі-пасяленні.

Сяргей РАСОЛЬКА

rs@zviazda.by

Выбар рэдакцыі

Палітыка

Лукашэнка прызначыў новых памочнікаў Прэзідэнта Беларусі па Брэсцкай, Гродзенскай абласцях і Мінску

Лукашэнка прызначыў новых памочнікаў Прэзідэнта Беларусі па Брэсцкай, Гродзенскай абласцях і Мінску

Валерый Вакульчык, які з верасня гэтага года працаваў на пасадзе дзяржаўнага сакратара Савета бяспекі Беларусі, а да гэтага быў старшынёй Камітэта дзяржаўнай бяспекі, сёння прызначаны памочнікам Прэзідэнта Беларусі — інспектарам па Брэсцкай вобласці. 

Культура

Ірына Відава: Такіх мужчын, як Алег Молчан, адзін на мільён

Ірына Відава: Такіх мужчын, як Алег Молчан, адзін на мільён

Чвэрць стагоддзя разам, і ніколі не было сумна ці нецікава адно з адным.

Культура

Успамінаем Янку Нёманскага, які быў расстраляны 30 кастрычніка ў 1937 годзе

Успамінаем Янку Нёманскага, які быў расстраляны 30 кастрычніка ў 1937 годзе

Як знік працяг рамана Янкі Нёманскага «Драпежнікі», прысвечанага лёсу рабочых шклозавода