Вы тут

Праект «Студэнт на тыдзень» запускаюць у БДУ


Яго iнiцыятарам выступiў Студэнцкi Саюз БДУ. Стартавай пляцоўкай стане Iнстытут журналiстыкi Белдзяржунiверсiтэта. На пяць дзён (з 31 кастрычнiка па 4 лiстапада) тры адзiнаццацiкласнiкi сталiчных школ прымераць на сябе ролю студэнтаў журфака.


Патэнцыяльным абiтурыентам трэба будзе не толькi слухаць лекцыi, але i выконваць практычныя заданнi. Таксама школьнiкi пазнаёмяцца з пазавучэбным жыццём факультэта, наведаюць «Дзень першакурснiка — 2016».

Падчас удзелу ў праекце падлеткi будуць весцi блог на партале studlive.by, дзе апiшуць свае студэнцкiя буднi, уражаннi i падзеляцца планамi на будучыню. Гэтыя публiкацыi абiтурыенты змогуць падаць у прыёмную камiсiю пры паступленнi на спецыяльнасцi Iнстытута журналiстыкi. Стаць удзельнiкам праекта можа любы старшакласнiк, якi наведвае ў iнстытуце гадавыя падрыхтоўчыя курсы. Акрамя таго, кандыдаты павiнны напiсаць эсэ «Я выбiраю журфак». Аўтары лепшых работ i стануць «студэнтамi на тыдзень».

Куратарам праекта выступiў аддзел маладзёжных праграм i праектаў упраўлення выхаваўчай работы з моладдзю БДУ.

— Што тычыцца планаў на блiжэйшую будучыню, хацелася б, каб гэтая iнiцыятыва выйшла за рамкi факультэцкага маштабу i стала агульнаўнiверсiтэцкай, — падкрэслiвае начальнiк аддзела Наталля КАПАЦЭВIЧ.

Надзея НIКАЛАЕВА

nikalaeva@zviazda.by

Загаловак у газеце: Ад блога — да журфака

Выбар рэдакцыі

Спорт

Анастасія Мірончык-Іванова: «Веру ў сябе і ў свае сілы»

Анастасія Мірончык-Іванова: «Веру ў сябе і ў свае сілы»

У спорце ёй двойчы прыходзілася пачынаць усё спачатку.

Грамадства

 Малая гістарычная радзіма — вёска Харобічы на Чарнігаўшчыне. Рэпартаж

Малая гістарычная радзіма — вёска Харобічы на Чарнігаўшчыне. Рэпартаж

Нудна больш не будзе. Гэтую і многія іншыя цытаты з савецкага фільма «Вяселле ў Малінаўцы» падчас паездкі ў госці да жоўта

Грамадства

Што трэба, каб пражыць даўжэй?

Што трэба, каб пражыць даўжэй?

Герыятр распавядае пра сакрэты доўгажыхароў і тое, што падаўжае наша жыццё.