Міністэрства ўнутраных спраў да 1 лістапада ўнясе ў Савет Міністраў праект указа па абмежаванні продажу алкаголю. Аб гэтым паведаміў сёння журналістам намеснік начальніка ўпраўлення прафілактыкі галоўнага ўпраўлення аховы правапарадку і прафілактыкі міліцыі грамадскай бяспекі МУС Сяргей Красуцкі ў час прэс-канферэнцыі.
"У нас ёсць адпаведнае даручэнне Савета Міністраў стварыць праект указа, які абмяжоўвае час і месца продажу алкаголю. Да 1 лістапада ён павінен быць унесены ў Саўмін", - адзначыў Сяргей Красуцкі.
Праект указа прадугледжвае адзіны час рэалізацыі алкагольных напіткаў (з 9.00 да 22.00) і забарону гандлю ў магазінах, якія не маюць адасобленых таварных аддзелаў. "Забарона будзе ўводзіцца толькі для магазінаў, чыя плошча складае 400 кв.м і больш. Гэта толькі першы крок, ад якога можна адштурхоўвацца пры прыняцці далейшых мер па абмежаванні продажу алкаголю", - дадаў ён.
На думку прадстаўніка МУС, прыняцце ўказа не прывядзе да павелічэння продажу кантрафактнага алкаголю ў краіне. "Ужо выпрацаваны ўсе неабходныя механізмы для барацьбы з нелегальным гандлем алкаголем. Сёння назіраецца тэндэнцыя да таго, што нелегальны абарот алкаголю скарачаецца", - сказаў ён.
Сяргей Красуцкі адзначыў, што МУС атрымлівае разуменне, падтрымку і дапамогу ў распрацоўцы праекта з боку Міністэрства антыманапольнага рэгулявання і гандлю. "Мы імкнёмся атрымаць задавольваючы ўсіх і працуючы нарматыўны дакумент", - падкрэсліў ён.
Прадстаўнік МУС таксама дадаў, што гандлёвае лобі не паўплывае на падрыхтоўку праекта ўказа. "Да нас паступалі звароты лабіруючых структур, напрыклад, Гільдыі півавараў, якія сцвярджалі, што даходы дзяржавы зменшацца з-за гэтых абмежаванняў. Але вынікі даследаванняў адназначна сведчаць аб тым, што даходы, якія атрымлівае дзяржава ад продажу алкаголю, у два разы меншыя за далейшыя расходы", - растлумачыў ён.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.