Будны дзень. Ранішні тралейбус. Абрывак размовы.
— А дачка твая як? — пытае адна жанчына ў другой.
— Ды дзякуй богу... Ужо дыплом пачынае пісаць.
— А потым, пасля вучобы, некуды размяркуюць?
— Не... Мы ж яе на платным вучылі. Так што першую працу самім давялося шукаць. Фірмачку адну ў сталіцы знайшлі. Абяцалі ўзяць.
— А з жытлом што?
— Ды таксама пашчасціла: непадалёк ад Мінска домік ім купілі.
— Чаму ім? Яна што — ужо замужам?
— Ну, не сказаць, каб так... Як усе цяпер — жыве з адным хлопцам.
...Маці, карацей, задаволена, бо, што ні кажы, а ўладкаванае дзіця: без пяці хвілін з вышэйшай адукацыяй, з працай, з уласным жыллём і нават з мужам, як быццам!
Усё як ва ўсіх. Ці ў многіх.
Наталля Каліноўская,
г. Віцебск
Фота Анатоля КЛЕШЧУКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.