Вы тут

На «Беларусь 1» стартуе другі сезон праекта «Трансфармацыя»


Як перабудаваць харчовыя звычкi, абудзiць сiлу волi, зацягнуць сябе ў спартзалу i перамагчы прыродную ляноту на шляху да iдэальнага i здаровага цела, у якiм, як вядома, здаровы дух? Адказ на гэта пытанне з дапамогай прафесiяналаў будуць шукаць удзельнiкi другога сезона папулярнага праекта «Трансфармацыя» на тэлеканале «Беларусь 1».


Удзельнiкамi праграмы сталi 9 герояў ва ўзросце ад 19 да 42 гадоў — чацвёра мужчын i пяцёра жанчын, якiх аб'ядноўвае адно: жаданне змянiць жыццё i «зляпiць» новых сябе. Ну, i галоўны прыз рэалiцi-шоу — таксама неблагая мэта. Для яе дасягнення ў герояў i тэлевядучага Арцёма Рыбакiна, якi пройдзе разам з iмi ўвесь комплекс трэнiровак, ёсць усяго тры месяцы. Гледачы ж змогуць у кожным суботнiм выпуску не толькi сачыць, як змяняюцца героi звонку i знутры, але i даведацца больш пра сiлавыя трэнiроўкi i скласцi з дапамогай дыетолага правiльнае меню. Цiкава, цi здолее нехта пабiць рэкорд першага пераможцы «Трансфармацыi» Уладзiмiра Казакевiча, якi за тры месяцы пазбавiўся 22 кiлаграмаў? Сачыце за эфiрам!

Вiкторыя ЗАХАРАВА

Загаловак у газеце: Сам сабе Пiгмалiён

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».