Днямі ў Магілёве адбылася знакавая падзея – на гарадскім мосце ўрачыста ўсталяваныя чатыры вялізныя фігуры львоў. Магутныя вартаўнікі цяпер і днём і ноччу ахоўваюць спакой сваіх гараджан і гасцей.
Аўтарам скульптур, якія аздобілі праход і праезд з вуліцы Чалюскінцаў і Пушкінскага праспекта ў Магілёве, стаў Андрэй Вараб’ёў. Аднак сама ідэя такога ўпрыгожвання горада належыць старшыні гарвыканкама Уладзіміру Цумараву. Гарадскія ўлады і скульптар імкнуліся стварыць не проста памятны знак, а зрабіць адметны арт-аб’ект, які прыцягне ўвагу гасцей і стане гонарам саміх гараджан.
Дзве фігуры львоў выяўляюць звяроў, якія стаяць на задніх лапах і апіраюцца на шар, а дзве іншыя прадстаўлены ляжачымі.
Фігуры цароў звярэй сапраўды ўражваюць. У тым ліку сваімі памерамі – 3,15 метраў у даўжыню і 2,40 у вышыню! “Гэтых манументальных звяроў рабілі на стагоддзі, – кажа скульптар. – Гарантыю даём 500 год”.
Сам Андрэй Вараб’ёў з’яўляецца магіляўчанінам, таму і іншыя яго яскравыя работы ўпрыгожваюць горад і ваколіцы. Гэта “Гімнастка” ў самім Магілёве, “Студэнт і студэнтка” ў Горках, скульптура агурка ў Шклове. А яшчэ, кожны год, да свайго дня народзінаў, аўтар робіць свой партрэт. Хтосьці адзначае, што ў фігур ільвоў ёсць падабенства з аўтарам. І гэта, у пэўным сэнсе, яшчэ адзін аўтапартрэт...
Ніна ШЧАРБАЧЭВІЧ.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
