Прэзiдэнту ўручылі ордэн Асацыяцыi нацыянальных алiмпiйскiх камiтэтаў

Беларусь разлiчвае на падтрымку i актыўнае ўзаемадзеянне з прэзiдэнтам Асацыяцыi нацыянальных алiмпiйскiх камiтэтаў, прэзiдэнтам Алiмпiйскага савета Азii, членам Мiжнароднага алiмпiйскага камiтэта шэйхам Ахмадам аль-Фахадам аль-Сабахам, заявiў Аляксандр Лукашэнка на сустрэчы з Ахмадам аль-Фахадам аль-Сабахам, перадае карэспандэнт БЕЛТА.

«Вы прапанавалi вельмi добрую рэч, i, калi гэта магчыма, я гатовы скарыстацца ёю, каб i на мiждзяржаўным узроўнi аднавiць нашы актыўныя кантакты. I, вядома ж, я буду разлiчваць на тое, што вы, як чалавек уплывовы ў рэгiёне, як адзiн з кiраўнiкоў Мiжнароднага алiмпiйскага камiтэта, кiраўнiк азiяцкай арганiзацыi, можаце нам вельмi сур'ёзна дапамагчы. А калi ў вас будзе жаданне, каб Беларусь неяк прыняла больш актыўны ўдзел i ў спартыўным руху, i ў эканомiцы, можа, у бiзнесе, то мы гатовы падтрымаць вас у гэтым плане i тыя дзяржавы, якiя вы парэкамендуеце. Такi прагматызм нашай сустрэчы», — заявiў беларускi лiдар.

Аляксандр Лукашэнка дадаў, што Беларусь гатова да сур'ёзнага ўзаемадзеяння ў iмя развiцця кантактаў як у эканомiцы, так i ў палiтыцы, i ў спорце.

У сваю чаргу шэйх Ахмад аль-Фахад аль-Сабах выказаў Аляксандру Лукашэнку высокi ўзровень павагi як лiдару краiны. Ён падкрэслiў, што з моманту набыцця Беларуссю незалежнасцi зарадзiлiся i адносiны рэспублiкi з яго рэгiёнам. «У прыватнасцi, з маёй краiнай — Кувейтам i маёй сям'ёй», — адзначыў шэйх.

Ён падкрэслiў, што для яго вялiкiм гонарам з'яўляецца быць часткай памкненняў Беларусi па развiццi адносiн з краiнамi рэгiёна па шырокiм коле пытанняў, пачынаючы ад эканомiкi i прамысловай кааперацыi, заканчваючы ўзаемадзеяннем у сферы спорту.

Шэйх Ахмад аль-Фахад аль-Сабах уручыў Прэзiдэнту Беларусi ордэн Асацыяцыi нацыянальных алiмпiйскiх камiтэтаў.

Праз некаторы час да сустрэчы далучыўся прэзiдэнт Нацыянальнага алiмпiйскага камiтэта Арменii Гагiк Царукян. Ён паднёс кiраўнiку беларускай дзяржавы падарунак ад НАК Арменii ў гонар 25-годдзя НАК Беларусi i правядзення ў нашай краiне Еўрапейскiх гульняў у 2019 годзе з пажаданнямi ў будучым прыняць Алiмпiяду.