Вас раздражняюць памылкi i шматслоўнасць спартыўных каментатараў? Манатонны бубнёж замiнае глядзець захапляльныя футбольныя матчы альбо бiятлонныя гонкi? Цяпер шанц даказаць, што вы можаце лепш, ямчэй i цiкавей, ёсць у кожнага — тэлеканал «Беларусь 5» абвясцiў кастынг у новае рэалiцi-шоу «Накаўт-раўнд».
Да ўдзелу запрашаюцца тыя, хто добра разбiраецца ў тэме спорту, валодае добрай дыкцыяй i пiсьменнай мовай (рускай i беларускай), а таксама здольны iмправiзаваць. «Ва ўсiх удзельнiкаў будуць роўныя ўмовы, незалежна ад полу i ўзросту», — абяцае дырэктар спартыўнага тэлеканала Аляксандр Казюкевiч.
Папярэднiя заяўкi з анкетай (яе ўзор змешчаны на сайце Белтэлерадыёкампанii) i далучаным аўдыяфайлам-самапрэзентацыяй (не больш чым на 3 хвiлiны) прымаюцца на электронны адрас sport.belarus5@gmail.com.
Ацэньваць уменнi прэтэндэнтаў будуць як прафесiяналы — дзеючыя каментатары i запрошаныя госцi, так i ўласна тэлегледачы «Беларусь 5», меркаванне якiх паўплывае на вызначэнне пераможцы праекта. Найлепшаму з лепшых прапануюць стаць каментатарам спартыўнага тэлеканала.
Вiкторыя ЗАХАРАВА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
