21 верасня, панядзелак

Вы тут

Правiлы прызначэння гарачкапанiжальных сродкаў дзецям


Калi малы, нягледзячы на лiхаманку, застаецца актыўным, то прызначаць гарачкапанiжальныя неабавязкова.


Патрабуецца толькi далейшае назiранне за развiццём захворвання. Лiхаманка — павышэнне тэмпературы цела — абарончая рэакцыя арганiзма. Многiя вiрусы i бактэрыi спыняюць размнажэнне або гiнуць, стымулюецца выпрацоўка антыцел, утварэнне iнтэрферону. Умераная лiхаманка — да 38,5 градуса — не выклiкае дыскамфорту ў большасцi дзяцей.

Лiхаманка можа быць небяспечнай:

  • пры наяўнасцi цяжкага лёгачнага або сардэчна-сасудзiстага захворвання, цяжкай пнеўманii або разумовай недастатковасцi;
  • пры тэмпературы вышэй за 41 градус, што можа прывесцi да пашкоджання нервовай сiстэмы;
  • у дзяцей да 5 гадоў, асаблiва памiж 6 месяцамi i 3 гадамi, калi iснуе рызыка развiцця сутаргаў. Дрэнна пераносяць лiхаманку i дзецi першых двух месяцаў жыцця.

«Калi ў дзiцяцi ёсць хранiчныя захворваннi лёгкiх, сэрца, нервовай сiстэмы, раней былi сутаргi або яго ўзрост да 2 месяцаў, то гарачкапанiжальныя сродкi прызначаюцца пры тэмпературы 38 °С, — удакладняе ўчастковы ўрач-педыятр 3-й гарадской дзiцячай клiнiчнай палiклiнiкi г. Мiнска Святлана ДЗЯРУГА. — Лiхаманка не лiчыцца абсалютным паказаннем да знiжэння тэмпературы. Калi няма спадарожнай паталогii, тэмпература цела не перавышае 39—39,5 °С i дзiця сябе нармальна адчувае, то ад лекаў лепш устрымацца. Лепей звярнуцца да iншых метадаў».

Для ўзмацнення цеплааддачы дзiця трэба распрануць i пакласцi халаднаватыя кампрэсы на буйныя сасуды ў пахвiне, пад пахай, абцерцi вадой пакаёвай тэмпературы. Гэтага бывае дастаткова для знiжэння тэмпературы. Абцiраць спiртам або халоднай вадой не трэба — рэзкае знiжэнне тэмпературы можа выклiкаць спазм сасудаў i зменшыць цеплааддачу. Дабiвацца адразу нармальных паказчыкаў не варта, дастаткова панiзiць тэмпературу на 1-1,5 градуса.

Калi нават пры 38 градусах ёсць дрыжыкi, дрэннае самаадчуванне, бледная i сухая скура, халодныя рукi-ногi i iншыя праявы таксiкозу, гарачкапанiжальная тэрапiя патрэбная тэрмiнова.

Правiлы прызначэння гарачкапанiжальных сродкаў

  • У раней здаровых дзяцей пасля 3 месяцаў — калi тэмпература вышэй за 39,0—39,5 °С, баляць мышцы i галава.
  • У дзяцей першых трох месяцаў — калi тэмпература вышэй за 38 °С.
  • У дзяцей з сутаргамi — пры больш чым 38—38,5 °С.
  • У дзяцей з цяжкiмi хваробамi сэрца, лёгкiх, цэнтральнай нервовай сiстэмы — пры больш чым 38,5 °С.

Святлана Барысенка

protas@zviazda.by

Загаловак у газеце: Знiжаем тэмпературу без лекаў

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.