Гэтым пытаннем задаецца кожны дачнiк. У восеньскай перакопкi агарода сёння шмат як прыхiльнiкаў, так i актыўных працiўнiкаў.
Вiдавочным для ўсiх мiнусам перакопкi з'яўляецца вялiкая яе працаёмкасць. Да гэтага прыхiльнiкi так званага арганiчнага земляробства дадаюць меркаванне, што грубае ўмяшанне пры перакопцы ў працэсы, якiя адбываюцца ў глебе, толькi шкодзiць яе ўрадлiвасцi. I выступаюць за павярхоўнае рыхленне глебы.
Прыхiльнiкi традыцыйнага земляробства лiчаць, што перакопка спрыяе паляпшэнню структуры глебы, дапамагае барацьбе з пустазеллем i шкоднiкамi. Ды i вясной на ўчастку з перакапанай глебай значна лягчэй i больш прыемна праводзiць пасяўныя работы. Прамарожаная глеба становiцца больш друзлай, вызваляецца ад пустазелля i шкоднiкаў. Акрамя таго, пры восеньскай перакопцы можна ўнесцi неабходныя ўгнаеннi.
Аднак ужыванне таго цi iншага падыходу да апрацоўкi глебы часта залежыць не ад прыхiльнасцi да адной з тэхналогiй, а ад такiх фактараў, як састаў глебы, блiзкасць грунтавых водаў або наяўнасць глебавых шкоднiкаў.
Ірына ТАМКОВІЧ
Мерапрыемства праводзіцца на добраахвотнай аснове.
Не выявіць ні секунды абыякавасці.
