Датэрмiновая перамога футбалiстаў з Барысава ў чэмпiянаце краiны i поспех гандбольнага СКА ў Кубку ЕГФ.
1. Футбалiсты барысаўскага БАТЭ за пяць тураў да фiнiшу чэмпiянату Беларусi забяспечылi сабе званне чэмпiёна краiны. У Лунiнцы ў матчы 25-га тура барысаўчане абыгралi мiкашэвiцкi «Гранiт» 1:0 i ў 13-ы раз (11-ы запар) заваявалi «золата» чэмпiянату краiны.
— Матч трымаў усiх у напружаннi да фiнальнага свiстка. Рады, што ў такой гульнi аказалiся пераможцамi. Як бы там нi было, усё роўна лiчу, што перамогу мы заслужылi. Да апошнiх секунд спрабавалi iсцi наперад — i былi ўзнагароджаны за гэта забiтым мячом. Удвая прыемна, што гэта здарылася ў мяне на радзiме. Хачу таксама павiншаваць усiх, хто перажываў за нашу каманду, маiх бацькоў, сяброў. Вялiкi iм дзякуй, што падтрымлiвалi нас, — адзначыў пасля матчу галоўны трэнер БАТЭ Аляксандр Ермаковiч.
У iншых паядынках наваполацкi «Нафтан» на сваiм полi адолеў «Крумкачоў» — 1:0, мiнскае «Дынама» перайграла аднаклубнiкаў з Брэста — 2:1, «Славiя» на сваiм полi была мацнейшая за «Iслач» — 2:1. Матч без забiтых галоў прайшоў у Салiгорску, дзе мясцовы «Шахцёр» сустракаўся з «Мiнскам» — 0:0. «Тарпеда»-БелАЗ перайграў гасцей з гродзенскага «Нёмана» — 1:0. «Слуцк» дома адолеў «Вiцебск» — 2:1, а «Гарадзея» i «Белшына» разышлiся мiрам — 1:1.
2. Гандбалiсты мiнскага СКА прабiлiся ў трэцi квалiфiкацыйны раўнд Кубка ЕГФ. Пасля гасцявога паражэння ад аўстрыйскага «Харда» (25:28) на пляцоўцы Палаца спорту «Уручча» армейцы ўзялi пераканаўчы рэванш — 31:25. Самым вынiковым у складзе пераможцаў стаў Мiкiта Вайлупаў, якi закiнуў 10 мячоў.
— У Мiнску гулялi больш мабiльна, зладжана. Упор рабiлi на абарону: эфектыўнасць контратак сведчыць, што нездарма, — пракаментаваў перамогу сваiх падапечных рулявы СКА Iгар Папруга.
Дар'я ЛАБАЖЭВIЧ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.