Творцы не павінны заставацца ў баку ад працэсаў, якія адбываюцца ў Беларусі і Расіі. Пра гэта заявіў старшыня Саюза пісьменнікаў Беларусі Мікалай Чаргінец учора ў Маскве на II З'ездзе Саюза пісьменнікаў Саюзнай дзяржавы.
Мікалай Чаргінец перакананы, што літаратары павінны займаць актыўную грамадзянскую пазіцыю. "Стварэнне Саюзнай дзяржавы патрабуе, каб і інтэлектуалы ўнеслі сваю лепту ў аб'яднальныя працэсы", - сказаў ён.
Кіраўнік пісьменніцкага саюза адзначыў, што яго калег па цэху турбуе не толькі стан літаратуры, але і што адбываецца ў свеце. "Мы павінны сказаць сваё важкае слова супраць вайны, разбурэнняў і голаду", - заявіў ён.
Мікалай Чаргінец перакананы, што пісьменнікі Беларусі і Расіі імкнуцца жыць і працаваць у адной сацыяльна-палітычнай і эканамічнай прасторы. Ён заклікаў калег ствараць творы, якія распавядаюць пра дасягненні народаў Беларусі і Расіі, якія паказваюць высакародныя справы.
Таксама Мікалай Чаргінец паведаміў, што за пяць гадоў, якія прайшлі з папярэдняга з'езда, супрацоўніцтва беларускіх і расійскіх пісьменнікаў значна памацнела. Цяпер неабходна вырашаць пытанні выдання твораў літаратараў дзвюх краін. Запланавана правядзенне семінараў для маладых пісьменнікаў, сумесных круглых сталоў па розных напрамках літаратуры, удзел у кніжных выставах, кірмашах, фестывалях.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.