Вы тут

У сталіцы з'явяцца шпакоўні і сінічнікі


Гэта было б не так дзіўна, але павесяць іх не на звычайных дрэвах, а на намаляваных. Муралы (малюнкі на сценах), якія з'явіліся ў Мінску, «ажывуць». Такую ідэю распрацавала арганізацыя «Ахова птушак Бацькаўшчыны». Старт праекта — наступнай вясной.


Новыя методыкі азелянення ўрбаністычнай прасторы распрацоўвае Акадэмія навук.

У гарадскіх птушак існуюць дзве праблемы: месца для гнездавання і недахопы харчавання ўзімку. Даволі шмат шпакоўняў ужо існуюць у сталіцы. Але колькасць не ёсць якасць, расказвае Карына САЛАВЕЙ, спецыяліст па развіцці АПБ:

— Сёлета мы зрабілі дзесяць штучных шпакоўняў. Зараз мы прапануем людзям рабіць сінічнікі, бо маленькім птушкам недзе жыць. А шпакі бойкія і ўсё займаюць. У кронах намаляваных дрэў будуць размешчаны штучныя гняздоўні. З дапамогай спецыяліста-арнітолага мы прааналізавалі вуліцу. Прыродаахоўнік казаў, што на пэўнай адлегласці можна нармальна размясціць сінічнікі, і вялікая верагоднасць, што птушкі заселяцца. Яны не любяць блізкага суседства: асабістая прастора ёсць не толькі ў людзей. Цяпер у нас вядуцца перамовы з кавярнямі, якія знаходзяцца на вуліцы Кастрычніцкай. Мы прапанавалі зрабіць ім гарадскія кармушкі — гэта і карысць для птушак, і асалода для наведвальнікаў. Ёсць такая праблема, што птушкі харчуюцца не тым, чым трэба. А зараз мы прапануем прадаваць мяшочкі з чорнымі семкамі.

Ігар КОРЗУН, прадстаўнік таварыства «Зялёная сетка», адзначае, што з боку эколагаў ёсць цікавасць прасунуць не проста архітэктурныя методыкі і рашэнні, а канцэптуальныя ідэі па азеляненні горада.

— Акадэмія навук па заказе дзяржавы даўно распрацавала розныя методыкі азелянення гарадской прасторы, «забітай» у выніку новабудоўляў, індустрыялізацыі і шэрагу іншых рэчаў. Гэта новыя методыкі рэнавацыі з улікам еўрапейскага і амерыканскага вопыту з выкарыстаннем раслін, як нязвыклых для нашага клімату, так і пасрэдных, якія мы называем пустазеллем, але яны цікавыя для выкарыстання і ў практыцы азелянення. Выглядаюць яны прывабна. Праўда, нельга пайсці на пустку і іх назбіраць. Супрацоўнікі Акадэміі навук, у прыватнасці Інстытута эксперыментальнай батанікі імя В.Ф. Купрэвіча, ужо даўно займаюцца працамі па селекцыі абарыгенных травяністых раслін. Напрыклад, міскантус. Чым ён добры? Ён хутка ідзе ў рост, вельмі высокі, дае багатую зялёную масу і пышна выглядае нават у зімовы перыяд. Тады, калі яго травяністая частка адмірае, сваім залацістым колерам ён упрыгожвае і зімовы пейзаж. Плюс да ўсяго, ён не можа распаўсюджвацца бескантрольна. Добра загароджвае некаторыя гарадскія часткі, якія не вельмі цешаць наш погляд.

Прадстаўнік Інфармацыйнага цэнтра па пытаннях хімічнай бяспекі і адходаў Цэнтра экалагічных рашэнняў Наталля БЛЫШЧЫК занепакоена асобным зборам смецця на вуліцах:

— Кантэйнеры для паперы мы вырашылі не ставіць, таму што гэта такі матэрыял, які прыдатны для перапрацоўкі ў чыстым выглядзе. А тое, што тут будзе збірацца, хутчэй за ўсё, будзе брудным. Папяровы посуд — адна з самых вялікіх бед усіх эколагаў. Яны не перапрацоўваюцца, а імгненна становяцца адходамі. Прычым іх выкарыстанне яшчэ нясе і пэўную шкоду для здароўя. На папяровы посуд знутры нанесена пластыкавая плёнка, якая пад уздзеяннем высокіх тэмператур вылучае шкодныя рэчывы. Адна з ініцыятыў — паменшыць іх колькасць. Я хаджу са сваім кубкам, шкляным або з пластыку, прыдатнага для шматразовага выкарыстання. У кафэ мне наліваюць у мой кубак і часам нават робяць зніжку.

Надзея АНІСОВІЧ

anisovich@zviazda.by

Загаловак у газеце: Пабудаваў кватэру сабе — зрабі і для птушкі

Выбар рэдакцыі

Эканоміка

Энергія смецця, якасць вады і зніжэнне затрат удвая. Камунальнікі і навукоўцы абмеркавалі ўплыў інавацый на жыццё галіны

Энергія смецця, якасць вады і зніжэнне затрат удвая. Камунальнікі і навукоўцы абмеркавалі ўплыў інавацый на жыццё галіны

Святлодыёды са шматслойнымі нанаплёнкамі, якія мяняюць колер у залежнасці ад часу сутак і падстройваюцца пад біярытм чалавека...

Спорт

Сёлета футбольнаму клубу «Віцебск» спаўняецца 60 гадоў

Сёлета футбольнаму клубу «Віцебск» спаўняецца 60 гадоў

«У юбілейны сезон хацелася сур'ёзна адзначыць дзень нараджэння. Але пандэмія каранавіруса ўнесла свае карэктывы».

Эканоміка

 Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансавыя паслугi адзiн аднаму людзi аказваюць ужо тысячы гадоў.