Спявак і тэлевядучы Георгій Калдун дасць у сталічнай КЗ «Мінск» дзвюхгадзінны канцэрт, які без лішняга пафасу і пылу ў вочы так і называецца — «Жывы канцэрт». Адбудзецца выступленне 14 кастрычніка, у Дзень маці, — зрэшты, сам артыст сцвярджае, што гэта простае супадзенне, а не адмысловая задумка. І тым не менш білет на канцэрт можа стаць добрым падарункам для жанчыны практычна любога ўзросту, а таксама для аматараў добрай «інтэлігентнай» музыкі з удумлівымі тэкстамі.
«З часу выхаду другога сольнага альбому «Стэрэарай» мінула ўжо два гады і назапасілася даволі многа разнапланавага музычнага матэрыялу, якім хочацца падзяліцца са слухачамі. Мы падабралі, на наш погляд, самы цікавы рэпертуар з уласных кампазіцый і кавер-версій сусветных хітоў», — тлумачыць спявак. Але Георгій Калдун не быў бы верным сабе, калі б не аздобіў «проста» канцэрт нейкімі сюрпрызамі. Так, кожны ахвотны можа паўплываць на музычную праграму — для гэтага трэба даслаць на пошту geokoldun14.10@tut.by прапанову, якую песню вам хацелася б пачуць у выкананні спевака і яго калектыву (гаворка ідзе як пра ўласныя песні Георгія Калдуна, так і пра кампазіцыі іншых аўтараў). За самую цікавую прапанову музыканты абяцаюць падарунак! Яшчэ адна адметнасць «Жывога канцэрту» — удзел у ім возьме струнны «Арт-квартэт», каб надаць песням яшчэ больш эмацыйнасці і глыбіні. «Для нас гэта першы падобны вопыт — сумеснае выкананне песень са струннымі», — прызнаецца артыст.
Вікторыя ЦЕЛЯШУК
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.