Прэзiдэнт Беларусi Аляксандр Лукашэнка разлiчвае на адкрыццё новай старонкi ў адносiнах памiж Беларуссю i Вялiкабрытанiяй. Аб гэтым Аляксандр Лукашэнка заявiў учора на сустрэчы з членам брытанскай каралеўскай сям'i прынцам Майклам Кенцкiм, перадае карэспандэнт БЕЛТА.
Аляксандр Лукашэнка падкрэслiў, што ў сферы мiждзяржаўных адносiн Беларусi i Вялiкабрытанii непераадольных пытанняў няма. «Калi ўжо быць абсалютна шчырым, Вялiкабрытанiя, напэўна, не вельмi цiкавiлася сiтуацыяй у Беларусi i, хутчэй за ўсё, дзейнiчала ў фарватары дзеянняў Бруселя, — сказаў кiраўнiк дзяржавы. — Ваш прыезд, спадзяюся, адкрые новую старонку нашых адносiн, i вельмi многiя палiтыкi i бiзнесмены, якiя зацiкавяцца Беларуссю, атрымаюць гэту характарыстыку з вашых вуснаў».
«Мы вельмi спадзяёмся, што нашы адносiны з Вялiкабрытанiяй будуць развiвацца. У нас вялiкi iнтарэс у гандлi», — заявiў Прэзiдэнт.
Ён адзначыў, што Вялiкабрытанiя ўваходзiць у лiк асноўных партнёраў Беларусi ў пытаннях гандлю i iнвестыцый. «Гэта добрая аснова для нашага далейшага супрацоўнiцтва. Я хачу, каб вы ведалi, што мы сумленна i шчыра чакаем ваш бiзнес у Беларусi. Па любых пытаннях, якiя вас цiкавяць», — сказаў кiраўнiк дзяржавы.
Прэзiдэнт дадаў, што ў Беларусi няма нiякiх абмежаванняў i абавязацельстваў, якiя перашкаджаюць развiццю гандлю i супрацоўнiцтва ў розных сферах з Вялiкабрытанiяй.
Аляксандр Лукашэнка таксама падзякаваў за велiзарную дапамогу i дабрачыннасць, якую Вялiкабрытанiя аказвае ў адносiнах да дзяцей з тэрыторый, што пацярпелi ад аварыi на Чарнобыльскай АЭС. «Вы падставiлi сваё плячо i дапамаглi нам аздаравiць тысячы дзяцей. За гэта вам вялiкая ўдзячнасць», — адзначыў беларускi лiдар.
У сваю чаргу прынц Майкл Кенцкi падзякаваў за цёплы прыём, адзначыўшы, што для яго вялiкае задавальненне знаходзiцца ў Беларусi. Ён падкрэслiў, што з'яўляецца першым прадстаўнiком брытанскай каралеўскай сям'i, якi наведвае Беларусь.
Паводле яго слоў, гэты вiзiт асаблiва звязаны са сферай бяспекi на дарогах. Прынц таксама згадзiўся з неабходнасцю развiваць i паляпшаць беларуска-брытанскiя гандлёвыя адносiны.
Прынц Майкл Кенцкi з 1981 года займаецца бiзнесам i дабрачыннасцю. Узначальвае ўласную кансалтынгавую кампанiю, якая працуе ў розных краiнах свету i аказвае шырокi спектр паслуг у сферах будаўнiцтва, тэлекамунiкацый, страхавання, фiнансаў, турызму, медыцыны, авiяцыi i аўтамабiлебудавання.
Па вынiках 2015 года Вялiкабрытанiя заняла трэцяе месца сярод гандлёвых партнёраў Беларусi ў свеце, уступiўшы толькi Расii i Украiне. Беларускi экспарт у Вялiкабрытанiю склаў $2,98 млрд, iмпарт — $176,2 млн.
Фота БЕЛТА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.