«Журавіны-Фэст» у Батанічным садзе, выстава «Капялюшны вернісаж», workout трэніроўкі і спектакль «Ціхі шэпат сыходзячых крокаў» – афіша «Звязды» з 10 па 16 кастрычніка.
Дзе: спортпляцоўка Новай Баравой
Калі: 11, 13, 18 кастрычніка, 18:00
Колькі каштуе: бясплатна
Трэнерам на пляцоўцы будзе чэмпіёнка Беларусі па воркауту Марыя Глінская – дзяўчына, якая «зрабіла сябе сама», проста паспрабаваўшы аднойчы разнастаіць вячэрнія прабежкі трэніроўкамі на пляцоўцы.
А ўрач спартыўнай медыцыны і прафесійны трэнер Ігар Рып правядзе кансультацыі па харчаванню і раскажа пра «інтэлектуальны» здаровы лад жыцця: спорт без цяжкіх дыет і перагрузак.
Дзе: Галерэя сучаснага мастацтва «Ў» (пр-т Незалежнасці, 37А)
Калі: па 11 кастрычніка, 12:00-20:00
Колькі каштуе: 2 р.
Валерый Кацуба – фотамастак, які жыве і працуе ў Санкт-Пецярбургу і Мадрыдзе. Нарадзіўся ў вёсцы Сяргеевічы пад Мінскам. На сваёй першай выставе на радзіме пакажа найлепшыя работы з васьмі праектаў (2000–2016).
У выставу ўвойдуць работы, паказаныя раней у Цэнтры Пампіду ў Парыжы, у Рускім музеі Санкт-Пецярбургу, у Círculo de Bellas Artes у Мадрыдзе і ў Мультымедыйным музеі сучаснага мастацтва ў Маскве.
Дзе: Рэспубліканскі тэатр беларускай драматургіі (вул. Крапоткіна, 44)
Калі: 12 кастрычніка, 19:00
Колькі каштуе: ад 7 р.
Спектакль «Ціхі шэпат сыходзячых крокаў» – гэта сумесны праект Міжнароднай канфедэрацыі тэатральных саюзаў (Масква) і Рэспубліканскага тэатра беларускай драматургіі.
Галоўны герой Аляксандр хоча атрымаць адказ на важнае для яго пытанне: ці любіў яго бацька пры жыцці? Жаданне знайсці адказ узмацняецца дакучлівымі снамі. Каб разабрацца ў прычынах начных кашмараў, Аляксандр звяртаецца да экстрасэнса.
Акрамя таго, лёс пасылае галоўнаму герою новае выпрабаванне: родныя сёстры вырашылі прадаць бацькоўскі дом і ўжо знайшлі пакупніка. Усе яны выраслі ў гэтым доме, а Аляксандр жыве тут і цяпер. Яму дорагі пахі і фотаздымкі, шкада рыпучых падлог і старых шпалер, а ў кладоўцы захавалася матуліна абрыкосавае варэнне. Здаецца, што паветра ў доме прасякнута бацькоўскім цяплом і прыемнымі ўспамінамі дзяцінства. І вось усе героі збіраюцца на сямейную раду, каб прыняць канчатковае рашэнне…
Рэжысёр – Шаміль Дыйканбаеў (Кыргызстан).
Дзе: Цэнтральны Дом афіцэраў (вул. Чырвонаармейская, 3)
Калі: 12 кастрычніка, 19:00
Колькі каштуе: ад 9.50 р.
12 кастрычніка ў Тэатральнай зале Дома Афіцэраў таленавіты дырыжор Павел Любамудраў і яго струнны аркестр «Метамарфозы» прадставяць публіцы арыгінальную праграму, якая не зможа пакінуць абыякавымі сапраўдных знатакоў класічнай музыкі.
Так, будзе выканана «Зальцбургская сімфонія» Вольфганга Амадэя Моцарта, канцэрт для віяланчэлі з аркестрам Карла Філіпа Баха, некалькі мініяцюр Сібеліуса і Чайкоўскага.
Дзе: Цэнтральны батанічны сад НАН Беларусі (пл. Калініна)
Калі: 15 кастрычніка, 12:00
Колькі каштуе: 6 р. – дарослыя, 3 р. – студэнты, школьнікі, пенсіянеры
У Батанічным садзе 15 кастрычніка пройдзе «Журавіны-Фэст», у рамках якога чакаецца выстава-дэгустацыя пладоў з гадавальніка і аранжарэі. Яшчэ будуць частаваць гарбатай з траў.
Для аматараў-садоўнікаў навуковы супрацоўнік правядзе майстар-клас па вырошчванні журавін і буякоў.
Таксама плануецца адкрыццё для наведванняў ліманарыя. У 12:00 і 14:30 экскурсаводы правядуць там лекцыі пра цытрусавыя і субтрапічныя расліны.
Запланаваны канцэрт з удзелам розных калектываў.
Дзе: Нацыянальны гістарычны музей Рэспублікі Беларусь (К. Маркса, 12)
Калі: па 23 кастрычніка з 11:00 да 19:00
Колькі каштуе: удакладняць у касе
З 23 верасня па 23 кастрычніка ў Нацыянальным гістарычным музеі праходзіць выстава «PaVetra Беларусі. Водар роднага краю». На першым плане экспазіцыі — водар PaVetra — сімвал Беларусі, створаны ўраджэнкай Беларусі, адной з самых тытулаваных парфумераў свету Сафіяй Гройсман і яе вучнем — Уладзіславам Рэкуновым.
Акрамя гэтага, будуць прадстаўлены тэматычныя зоны, кожная з якіх уяўляе водар таго ці іншага віду мастацтва: водар і музыка, водар і жывапіс, водар тэатра і кіно.
Дзе: Музей гісторыі беларускага кіно (вул. Свярдлова, 4)
Калі: з 13 па 30 кастрычніка (акрамя панядзелкаў)
Колькі каштуе: 4 р. – дарослыя, 2.50 – студэнты, пенсіянеры, 1.50 – дзеці і школьнікі
13 кастрычніка ў музеі гісторыі беларускага кіно адкрыецца міжнародная выстава аўтарскіх галаўных убораў «Капялюшны вернісаж-2016».
Дзеля чаго б вы не прыйшлі – палюбавацца разнастайнасцю галаўных убораў, падабраць капялюшык на восеньскія будні ці рамантычны вечар – арганізатары праекта будзем рады гэтай сустрэчы.
Дзе: Музей гісторыі беларускага кіно (вул. Свярдлова, 4)
Калі: 13, 20, 27 кастрычніка, 18:00 і 20:00
Колькі каштуе: 6 р.
Музей гісторыі беларускага кіно запрашае на цыкл лекцый «Кіно і мода», які ўключае 4 вечара: кіна-дэфіле «З кінаэкрана – у жыццё. Мадэлі адзення, абутку і аксесуараў, якія сталі знакавымі дзякуючы кіно», знакамітыя куцюр'е для кіно, знакамітыя ўпрыгажэнні і ювелірныя фірмы ў кіно, самыя тытулаваныя ўладальнікі ўзнагароды «Оскар» за касцюмы.
Праграму вядзе эксперт і гісторык моды Таццяна Церашковіч.
Дзе: Плошча Свабоды
Калі: па 30 кастрычніка
Колькі каштуе: бясплатна
На выставе прадстаўлены работы, галоўнымі героямі якіх сталі бацькі і іх нованароджаныя дачкі і сыны – для кагосьці першынцы, для кагосьці другія, трэція ці нават чацвёртыя дзеці. Кожная фатаграфія – гэта маленькая гісторыя пра жыццё і каханне, але галоўнае – пра тое, як зменьваецца мужчына, калі становіцца бацькам.
Дзе: Нацыянальны мастацкі музей Рэспублікі Беларусь (вул. Леніна, 20)
Калі: з 28 верасня, 19:00
Колькі каштуе: 5 р. – дарослыя, 2.50 р. – школьнікі, студэнты
28 верасня ў Нацыянальным мастацкім музеі Рэспублікі Беларусь стартуе новы лекцыйны курс. На гэты раз у цэнтры ўвагі апынуцца два буйныя выставачныя праекты, закліканыя паказаць сакральнае мастацтва розных народаў: «Свет нябеснага на зямлі» і «Мастацтва будызму».
Курс складаецца з васьмі аўтарскіх лекцый аб культурных аспектах хрысціянства і будызму, падчас якіх навуковыя супрацоўнікі музея раскажуць, як хрысціянства і будызм змянялі карту свету і фармавалі грамадскі светапогляд, і як гэты працэс адбіўся на гісторыі мастацтва.
Азнаёміцца з праграмай лекцый можна тут.
Дзе: ЦЭХ (вул. Кастрычніцкая, 16)
Калі: па 8 лістапада з 12:00 да 22:00
Колькі каштуе: бясплатна
Месяц фатаграфіі ў Мінску – падзея, якая ўжо трэці год звяртае ўвагу на фатаграфію як тэму, інструмент і нагоду для дыялогаў, абмену досведам з тэарэтыкамі ў галіне візуальных доследаў і фатографамі-практыкамі.
За два гады працы ў мерапрыемстве прынялі ўдзел фатографы, арт-крытыкі і куратары з 9 дзяржаваў. У якасці тэмы гэтага года была заяўленая апазіцыя «цэнтр/перыферыя».
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.