Сёння пасёлак Глуша Бабруйскага раёна сёмы раз запрашае гасцей на фестываль народных промыслаў і рамёстваў.
Сёлета свята з пасялковага маштабу дарасло да раённага. Такі статус фестываль атрымаў за актыўную прапаганду народных беларускіх промыслаў і традыцый. Мясцовы вядомы кераміст Аляксандр Арлоў са сваім узорным дзіцячым калектывам «Глечыкі» стане адным з галоўных экспертаў на тутэйшым пленэры па кераміцы і ганчарстве. На фестывальнай сцэне па традыцыі пройдуць конкурсы прыпевак і беларускай песні «Я люблю цябе, Беларусь!» У праграме запланаваны шматлікія народныя гульні і атракцыёны. Аматары вострых адчуванняў змогуць паглядзець на святочную паляну з вышыні птушынага палёту. У гэтым ім дапамогуць лётчыкі Бабруйскага клуба ДТСААФ.
— Наш фестываль асабліва любяць за душэўнасць, — кажа яго ініцыятар і ідэйны натхняльнік старшыня Глушанскага пасялковага савета Марыя Сушчанка. — Тут ніколі не бывае сумна, кожнага, хто да нас завітае, прымем з цеплынёй і радасцю. Бо разам мы — сям'я.
Нэлі ЗІГУЛЯ
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
