У Брэсцкай вобласці заведзены дзве крымінальныя справы па фактах выкрадання абразоў з жылых памяшканняў. Як расказала афіцыйны прадстаўнік УСК па Брэсцкай вобласці Марына ДРАНЬКОВА, культавыя прадметы ўкралі з дамоў, у якіх цяпер ніхто не жыве, але ў летні перыяд яны выкарыстоўваюцца ў якасці дач.
У вёсцы Леснікі Драгічынскага раёна зламыснікі праніклі ў дом, адціснуўшы рыгель уваходных дзвярэй. Яны абшукалі ўсе памяшканні, перавярнулі ўсё ў шафах, нават з кветкавых гаршкоў змесціва павысыпалі. Але забралі толькі насценны гадзіннік з маятнікам і абраз Мікалая Цудатворца. Названая выява святога была выканана на драўлянай дошцы. Ці ўяўляе яна гістарычную і культурную каштоўнасць, зараз высвятляецца.
Мясцовыя жыхары расказалі праваахоўнікам, што напярэдадні ў вёску прыязджалі незнаёмыя людзі неславянскай знешнасці, пыталі, ці не прадасць хто металалом.
Другі аналагічны крадзеж зафіксаваны ў вёсцы Тэўлі Кобрынскага раёна. Злодзеі вырвалі прабой, зайшлі ў хату, абшукалі дом і вынеслі абраз Божай Маці, які вісеў на сцяне.
Марына Дранькова падкрэсліла, што следчыя просяць жыхароў быць пільнымі да фактаў паяўлення ў вёсках незнаёмых людзей, якія прапаноўваюць сумніўныя здзелкі. Аб такіх няпрошаных гасцях варта паведамляць у міліцыю.
Святлана ЯСКЕВІЧ
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
