Фінскія праграмісты распрацавалі мабільную прыладу, якая дапамагае кіроўцам пазбегнуць ДТЗ з аленямі, паведамляе Yle.
Прылада Porokello («Аленевы званочак») дазволіць кіроўцам перадаваць інфармацыю пра месцы, дзе алені пераходзяць дарогу, усім карыстальнікам у радыусе 750 метраў. Мяркуецца, што праграму будуць выкарыстоўваць не толькі аўтааматары, але і прафесійныя вадзіцелі. Цяпер прылада тэстуецца, і мяркуецца, што з 2017 года яна будзе даступная для вольнай запампоўкі.
Распрацоўка праекта абышлася ў 600 тысяч еўра. На 95% яго субсідзіравала дзяржава, таму што аварыі з ласямі і аленямі з'яўляюцца сур'ёзнай праблемай. Толькі ў Фінляндыі штогод у ДТЗ гіне да чатырох тысяч аленяў. Для прафілактыкі аварый у краінах, дзе капытныя водзяцца ў вялікай колькасці, прымаюцца розныя меры — жывёл забяспечваюць святлоадбівальнымі пазнакамі, на дарогі ўсталёўваюць сістэмы абвестак і свісткоў для адпуджвання.
Іван КУПАРВАС
Існуюць строгія патрабаванні да месцаў для купання.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
