У Паднябеснай створаны "Ноеў каўчэг"

У КНР пачаў працаваць самы буйны ў свеце генны банк.

Будаваўся ён пяць гадоў, штаб-кватэра размешчана ў Шэньчжэне, паведамляе "Жэньмінь жыбаа" анлайн". Пасля ЗША, Японіі і ЕС, гэта чацвёрты ў свеце нацыянальны генны банк, самы буйны ў свеце. 

Дадзены генафонд таксама атрымаў у Кітаі вядомасць як "Ноеў каўчэг". Цяпер генны банк мае мноства біялагічных рэсурсаў, захоўвае больш за 10 млн. узораў біаматэрыяла. Ужо запушчаны цэнтр лічбавых дадзеных Нацыянальнага геннага банка, даступная ёмістасць якога складае 20Pb (эквівалентна 40 млн. фільмаў, калі глядзець па 1 фільму у дзень, то перагледзець усе атрымаецца толькі за 100 тысяч гадоў), на другім этапе плануецца завяршэнне даступнай ёмістасці ў 500Pb. 

Выканаўчы дырэктар Нацыянальнага геннага банка Сюй Сюнь распавёў, што ў параўнанні з генафондам іншых краін, генны банк Кітая носіць комплексны характар. Замежныя сховішчы дадзеных у асноўным накіраваны на навуковыя даследаванні, а кітайскі генны банк, акрамя навуковых дадзеных, валодае таксама прамысловымі, прадастаўляе абслугоўванне і падтрымку прамысловым установам. Нацыянальны генны банк ужо наладзіў супрацоўніцтва з такімі ўстановамі як гістарычныя музеі многіх краін, Нарвежскім сусветным банкам-сховішчам насення (сховішча "Суднага дня") і многімі іншымі ўстановамі. Пасля яго ўступлення ў афіцыйную эксплуатацыю, будзе створана адкрытая платформа для абмену дадзенымі па тыпу міжнароднага сховішча  дадзеных ДНК.