Сапраўдны браканьерскі дэтэктыў разблыталі супрацоўнікі Мсціслаўскай міжрайінспекцыі. Напачатку яны затрымалі ўдзельнікаў нелегальнага палявання каля вёскі Кароўчына Дрыбінскага раёна. Два мясцовыя жыхары і жыхар вёскі Жэвань ужо разбіралі падстрэленую самку лася, калі іх акружылі дзяржінспектары. Два парушальнікі збеглі, але трэці расказаў пра ўсё.
Высветлілася, што на незаконны промысел браканьеры выйшлі з незарэгістраванай стрэльбай. Яе пасля знайшлі ў вёсцы Кароўчына пад кучай металалому. На падворку жыхара Жэвані дзяржінспектары знайшлі яшчэ адну нелегальную стрэльбу, два чэрапы казуль з рагамі і... дзікую качку з чырванакніжным барсуком. Апошнія ўтрымліваліся ў няволі. Зламыснікам пагражае крымінальная адказнасць з пакрыццём нанесенай прыродзе шкоды ў памеры 6,3 тысячы дэнамінаваных рублёў.
Сяргей РАСОЛЬКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
