Вы тут

Праект «Энергаэфектыўнасць у школах» рэалізуюць у Ашмянах


«Звязда» паведамляла аб завяршэнні энергаэфектыўнай мадэрнізацыі ў яслях-садзе №45 г. Гродна. 23 верасня ўрачыстая цырымонія з такой жа нагоды пройдзе ў Ашмянах.


Праект «Энергаэфектыўнасць у школах» рэалізаваны пры фінансавай падтрымцы Еўрапейскага саюза, Гродзенскага абласнога выканаўчага камітэта, Гродзенскага гарвыканкама і Ашмянскага райвыканкама. Выканаўцамі выступілі Праграма развіцця ААН у Беларусі і Дэпартамент па энергаэфектыўнасці Дзяржстандарта.

Дзякуючы праекту ў яслях-садзе №6 г. Ашмяны ўкаранілі сучасныя тэхналогіі, якія скароцяць энергаспажыванне ўдвая. На даху ўстаноўлены сонечныя калектары, утылізатары цеплыні для падагрэву прыточнага паветра. Дах і сцены ўцяплілі, а вокны замянілі на двухкамерныя шклопакеты. Акрамя таго, замянілі энергаёмістае тэхналагічнае абсталяванне кухні, лямпы напальвання на энергазберагальныя, за ацяпляльнымі прыборамі ўстанавілі цеплаадбівальныя экраны.

Не менш важны і адукацыйны аспект праекта. Для педагогаў арганізавалі трэнінгі і семінары па розных аспектах энергазберажэння, і зараз яны перадаюць гэтыя веды дзецям, прычым не толькі на занятках, але і ў гульнявой форме. Праектам распрацаваны канцэпт «Хуткай энергетычнай дапамогі», дзе з сучаснымі энергаэфектыўнымі тэхналогіямі, перавагамі выкарыстання аднаўляемых крыніц энергіі дзяцей знаёмяць відэаролікі, коміксы, кніжкі-расфарбоўкі.

Арганізатары праекта спадзяюцца, што ён стане стымулам для ажыццяўлення новых ініцыятыў па энергазберажэнні на мясцовым узроўні па ўсёй краіне.

Барыс ПРАКОПЧЫК

prakopchik@zviazda.by

Загаловак у газеце: Энергаспажыванне скароціцца ўдвая

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Грамадства

«Прэферэнцыі, якія атрымалі вайскоўцы, абумоўлены выказанымі імі думкамі»

«Прэферэнцыі, якія атрымалі вайскоўцы, абумоўлены выказанымі імі думкамі»

«Армія — школа мужнасці, грамадзянскасці і патрыятызму». Паводле сацыялагічнага апытання, з гэтым сцвярджэннем згодны 86 п

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.