Вы тут

Адкрыты чэмпіянат краіны па летнім фрыстайле прайшоў у сталіцы


Міжнародныя спаборніцтвы па скачках на лыжах на ваду ўжо другі раз збіраюць у Мінску самых лепшых лыжных акрабатаў. Сёлета турнір быў прымеркаваны да 30-годдзя фрыстайла ў Беларусі. Больш за 50 спартсменаў з шасці краін (Вялікабрытаніі, Швейцарыі, Казахстана, Расіі, Украіны і Беларусі) разыгралі два камплекты ўзнагарод.


Нашу краіну прадставілі самыя моцныя члены нацыянальнай каманды — Антон Кушнір, Станіслаў Гладчанка і Аляксандра Раманоўская. Алімпійскі чэмпіён Сочы-2014 Антон Кушнір выступіў на турніры не ва ўсю моц — пасля шэрагу траўмаў спартсмен на час вырашыў адмовіцца ад складаных скачкоў, каб да зімовага сезона падысці «ў поўным узбраенні». Галоўным канкурэнтам для Антона ў Мінску стаў расіянін Пётр Мядуліч, ён апярэдзіў нашага суайчынніка і заваяваў залатую ўзнагароду. Кушнір стаў другім, а на трэцюю прыступку п'едэстала падняўся яшчэ адзін прадстаўнік Расіі — Ілья Бураў. Замкнуў чацвёрку мацнейшых беларус Станіслаў Гладчанка.

У жаночай частцы спаборніцтваў усё склалася для нас больш паспяхова, Аляксандра Раманоўская, якая на працягу некалькіх гадоў была сярод лідараў юніёрскага і маладзёжнага фрыстайла, паступова прабіваецца ў эліту дарослай лыжнай акрабатыкі. На сёлетнім адкрытым чэмпіянаце краіны ёй не было роўных, у выніку заслужанае «золата».

Літаральна на наступны дзень пасля чэмпіянату беларускіх заўзятараў чакала радасная навіна: алімпійская чэмпіёнка па фрыстайле Ала Цупер прыняла рашэнне вярнуцца ў вялікі спорт і ўжо прыступіла да трэніровак.

Дар'я Лабажэвіч

Загаловак у газеце: А ім лятаць ахвота...

Выбар рэдакцыі

Грамадства

Конкурс прафесiйнага майстэрства WorldSkills Belarus 2020 прайшоў у Мiнску

Конкурс прафесiйнага майстэрства WorldSkills Belarus 2020 прайшоў у Мiнску

Конкурс прафесiйнага майстэрства WorldSkills Belarus 2020 прайшоў у Мiнску ў Індустрыяльным парка «Вялiкi камень» з грандыёзным размахам. 

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.