Вы тут

Беларуска — прызёрка ХІІІ Міжнароднага юніёрскага ляснога конкурсу


Дзевяцікласніца са Старобіна Дар'я Залеская стала прызёркай ХІІІ Міжнароднага юніёрскага ляснога конкурсу, які праходзіў у Пецяргофе пад Санкт-Пецярбургам. Свае навуковыя працы перад аўтарытэтным міжнародным журы абаранялі 45 юных даследчыкаў з 25 краін.


Дар'я з дакладам «Прафілактыка лясных пажараў з дапамогай экалагічна чыстага інгібітару гарэння» падзяліла другое месца з удзельніцай з Кітая Фан Панвэнь, якая прадставіла даследаванне «Патагеннасць і тэхналогія выяўлення развіцця паразітычнай нематоды сасны». Акрамя дыплома і каштоўнага падарунка, беларускай школьніцы ўручылі спецыяльны прыз: сертыфікат на льготнае паступленне ў Санкт-Пецярбургскі дзяржаўны лесатэхнічны ўніверсітэт імя С. М. Кірава і павышаную стыпендыю падчас навучання.

Міжнародны юніёрскі лясны конкурс праводзіцца Раслесгасам з 2004 года для абмену лесаводча-экалагічнымі ведамі і практычным вопытам, а таксама прыцягнення ўвагі сусветнай грамадскасці да праблем захавання лясоў. Пачынаючы з 2015 года, ён атрымаў афіцыйную падтрымку ўрада Расійскай Федэрацыі.

Сяргей РАСОЛЬКА

rs@zviazda.by

Загаловак у газеце: Прыз — сертыфікат на льготнае паступленне

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».