Вы тут

Выбары адбыліся: прагаласавалі 5,2 млн грамадзян


Гэта 74,8% ад усіх выбаршыкаў. «Лічбы гэтага года амаль супадаюць з данымі мінулых парламенцкіх выбараў: розніца складае — 0,2% (вынік 2012 года — 74,6%)», — адзначыла ўчора старшыня Цэнтрвыбаркама Лідзія ЯРМОШЫНА на выніковай прэс-канферэнцыі ў Палацы Рэспублікі. Дэпутаты выбраны па ўсіх 110 акругах. З іх 38 жанчын, што складае 34%. Гэта на 9 чалавек больш, чым у мінулым складзе парламента.


Сям'я Па­хо­мен­каў з Ві­цеб­ска пра­га­ла­са­ва­ла з са­май  ра­ні­цы, амаль ад­ра­зу  пас­ля ад­крыц­ця ўчаст­ка.

Сярод дэпутатаў новага склікання з'явіліся такія вядомыя людзі, як Надзвычайны і Паўнамоцны Пасол Беларусі ў Аўстрыйскай Рэспубліцы і Рэспубліцы Харватыя па сумяшчальніцтве Валерый Варанецкі; дырэктар Рэспубліканскага навукова-практычнага цэнтра отарыналарынгалогіі Людміла Макарына-Кібак; член Савета Рэспублікі Ігар Марзалюк і іншыя. У парламенце будуць прадстаўлены Ліберальна-дэмакратычная партыя (1 дэпутат), Беларуская патрыятычная партыя (3), Аб'яднаная грамадзянская партыя (1), Рэспубліканская партыя працы і справядлівасці (3), Камуністычная партыя (8).

Паўторна выбрана 28 дэпутатаў, сярод іх і старшыня Палаты прадстаўнікоў мінулага склікання Уладзімір Андрэйчанка. У Брэсцкай вобласці другі раз выбраны 4 чалавекі, у Віцебскай — 5, у Гомельскай — 7, у Гродзенскай — 3, у Мінскай — 3, у Магілёўскай — 1, у сталіцы — 5.

Дзень выбараў у Цэнтрвыбаркаме прайшоў дастаткова спакойна: паступілі толькі 32 пісьмовыя звароты. У асноўным яны звязаны з неўключэннем выбаршчыкаў у спісы, з адсутнасцю запрашэнняў прыйсці на выбарчыя ўчасткі. Паступілі і 53 вусныя звароты, у асноўным з горада Мінска.

Плануецца, што канчатковыя вынікі выбараў будуць падведзены ў пятніцу. На працягу 30 дзён (апошні тэрмін 10 кастрычніка) адкрыецца першая сесія Палаты прадстаўнікоў. Верхняя палата парламента будзе выбрана дэпутатамі мясцовых Саветаў. Сходы мясцовых Саветаў адбудуцца сёння, 13 верасня, ва ўсіх рэгіёнах Рэспублікі Беларусь.

Надзея АНІСОВІЧ

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.