Як будуць надалей развівацца інтэграцыйныя працэсы на постсавецкай прасторы? Як уплываюць на фарміраванне Еўразійскага эканамічнага саюза падзеі, што адбываюцца за яго мяжой? Наколькі неабходна дбаць пра інфармацыйную бяспеку краін ЕАЭС? Гэта і не толькі абмеркавалі эксперты ў канферэнц-зале газеты “Звязда” на круглым стале пад назвай “Геапалітычны фон эканамічнага саюза”.
У ім прынялі ўдзел: Аляксандр Аляксеевіч ПЛАШЧЫНСКІ, прарэктар па ідэалагічнай і навукова-інавацыйнай рабоце Міжнароднага ўніверсітэта “МІТСО”; Тадэвуш Іванавіч АДУЛА, доктар філасофскіх навук, прафесар, загадчык Цэнтра сацыяльна-філасофскіх і антрапалагічных даследаванняў Інстытута філасофіі НАН Беларусі; Вадзім Аляксеевіч ЯЛФІМАЎ, кандыдат гістарычных навук, дацэнт кафедры перыядычнага друку Інстытута журналістыкі Беларускага дзяржаўнага ўніверсітэта; Сяргей Анатольевіч КІЗІМА, доктар палітычных навук, прафесар, загадчык кафедры міжнародных адносін Акадэміі кіравання пры Прэзідэнце Рэспублікі Беларусь; Мурат Тураравіч ЛАЎМУЛІН, саветнік-пасланнік Пасольства Рэспублікі Казахстан у Рэспубліцы Беларусь.
Падчас гутаркі эсперты сышліся на думцы, што інтэграцыйныя працэсы хутчэй умацоўваюць суверэнітэт дзяржавы, чым пагражаюць яму. Паколькі інтэграцыя дае магчымасць краінам аб’яднаць свае патэнцыялы. Гаворачы пра «гарачае лета» 2016-га, якое прагрымела тэрактамі ў Еўрасаюзе, спробай перавароту ў Турцыі, тэрактам у Казахстане, захопам заложнікаў у Ерэване, палітолагі прыйшлі да высновы: ЕАЭС павінен будаваць уласную інфармацыйную бяспеку. Якія яшчэ знешнепалітычныя праблемы абмеркавалі эксперты, чытайце ў вераснёўскіх нумарах дататку “Саюз-Еўразія”.
Надзея ЮШКЕВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
