Напярэдадні старту адборачных гульняў чэмпіянату свету нацыянальная зборная па футболе ў нефармальнай абстаноўцы сустрэлася са сваімі балельшчыкамі. Ва ўсіх ахвотных была магчымасць не толькі сфатаграфавацца з гульцамі і ўзяць аўтограф, але і задаць любое пытанне футбалістам.
На палях федэрацыі футбола, дзе працуе зборная, сабралася небывалая колькасць заўзятараў. Простая трэніроўка ператварылася ў сапраўднае свята. Музыка, калекцыянеры, атрыбутыка і нават пеўні — усё гэта стварыла аматарам спорту, ды і самім футбалістам, выдатны настрой.
— Той факт, што прыйшло столькі гледачоў, вельмі радуе. Добра, калі такія акцыі будуць працягвацца. Калі ішлі па калідоры з заўзятараў, было вельмі прыемна, чулі апладысменты. Можа быць, у нейкай ступені гэта аванс. Але, думаю, хлопцы ўсё гэта заслужаць гульнёй у матчы з Францыяй, — сказаў галоўны трэнер зборнай Аляксандр Хацкевіч.
— Нас папярэдзілі, што прыйдуць людзі, папрасілі не адмаўляць балельшчыкам ва ўвазе, — кажа Ігар Шытаў. — Рады, што ўдалося пагутарыць, абмяняцца энергіяй. У першы раз трохі няўтульна, але ў той жа час прыемна і хвалююча. Ніколі яшчэ такога не было, — дадаў футбаліст.
Вядома, напярэдадні матча са зборнай Францыі не магло абысціся без пытанняў аб маючым адбыцца паядынку і тым, чаго чакаць заўзятарам ад гэтага матча.
— Французы, вядома, будуць атакаваць больш, чым мы, — дзеліцца сваімі думкамі Сяргей Крывец. — Валодаць мячом таксама будуць больш. Таму наша задача — чакаць моманту, быць цярплівымі і бегчы ў контратакі. Французы — фіналісты чэмпіянату Еўропы, адна з наймацнейшых камандаў свету, у складзе гэтай зборнай шмат добрых футбалістаў. Яны моцныя не толькі індывідуальна, але і каманднымі дзеяннямі. Усё ж думаю, і ў іх ёсць слабыя бакі, трэба пастарацца іх знайсці.
Нагадаем, зборная Беларусі, якая выступае ў кваліфікацыйнай групе А, сёння на полі «Барысаў-Арэны» згуляе з віцэ-чэмпіёнамі Еўропы футбалістамі Францыі. Зборная Балгарыі прыме каманду Люксембурга, Швецыя згуляе з Нідэрландамі.
Дар'я Лабажэвіч
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
