Вы тут

Як сусветнай эканоміцы супрацьстаяць выклікам?


У Ханчжоу працягваецца 11-ы саміт "Групы дваццаці".


Старшыня КНР Сі Цзіньпін адзначыў: сусветная эканоміка ў цэлым захоўвае тэндэнцыю аднаўлення, аднак існуе мноства рызык і выклікаў, паведамляе "Жэньмінь жыбаа" анлайн".

Яны звязаны з недахопам рухаючых сіл для росту, млявым попытам, ваганнямі на фінансавым рынку і нізкай актыўнасцю ў сусветнай гандлёва-інвестыцыйнай сферы. Міжнародная супольнасць ускладае вялікія надзеі на цяперашні саміт "Групы дваццаці", разлічвае, што саміт дазволіць "выпісаць рэцэпт", які паспрыяе выхаду сусветнай эканомікі на шлях энергічнага, ўстойлівага, збалансаванага і інклюзіўнага росту. 

Сі Цзіньпін выступіў з прапановамі па супрацьдзеянні выклікам, якія стаяць перад сусветнай эканомікай. "Па-першае, нам трэба актывізаваць каардынацыю макрапалітыкі, аб'яднанымі намаганнямі забяспечваць глабальны эканамічны рост і фінансавую стабільнасць", — адзначыў Сі Цзіньпін. 

Па-другое, на яго думку, важна абнаўленне спосабаў развіцця і выяўленне новых рухаючых сіл росту. "Трэба зрабіць так, каб аднолькава важнае значэнне надавалася як кароткатэрміновай палітыцы, так і сярэдне-і доўгатэрміновай, як кіраванню ў сферы попыту, так і рэформе ў сферы прапановы", — дадаў ён. 

Па-трэцяе, трэба ўдасканаліць глабальнае эканамічнае кіраванне і ўмацаваць інстытуцыянальнае забеспячэнне ў гэтай сферы, лічыць кітайскі лідэр. Удасканаленне міжнароднай валютна-фінансавай сістэмы, аптымізацыя кіруючай структуры міжнародных фінансавых інстытутаў і дасканаласць глабальнай сеткі фінансавай бяспекі дазволяць, як адзначыў Сі Цзіньпін, павысіць устойлівасць сусветнай эканомікі да рызык. 

Таксама старшыня КНР выказаўся за "будаўніцтва сусветнай эканомікі адкрытага тыпу" і далейшыя намаганні па лібералізацыі гандлю і інвестыцый. "І, па-пятае, нам трэба будзе рэалізаваць на практыцы Парадак дня ў галіне ўстойлівага развіцця на перыяд да 2030 года, садзейнічаючы інклюзіўнай развіццю", — сказаў Сі Цзіньпін. 

Як нагадаў старшыня КНР, тэме развіцця адводзіцца значнае месца ў парадку дня "Групы дваццаці", якая выпрацавала план дзеянняў па выкананні названага дакумента. "Мы будзем таксама, аказваючы падтрымку Афрыцы і найменш развітым краінам у ажыццяўленні індустрыялізацыі, дамагацца зніжэння няроўнасьці і дысбалансу ў сусветным развіцці, тым самым падаючы народам усіх краін доступ да пладоў сусветнага эканамічнага росту", — заявіў кітайскі лідар. 

На "Групу дваццаці" ускладзены чаканні ўсіх краін свету, гэта важная і адказная місія, падкрэсліў Сі Цзіньпін, дадаўшы, што неабходна добра выбудаваць "Групу дваццаці" і ўзяць правільны кірунак да росквіту і стабільнасці сусветнай эканомікі. Для гэтага неабходна ісці ў нагу з часам, з улікам патрэб сусветнай эканомікі скарэктаваць уласныя напрамкі развіцця, працягнуць ажыццяўляць пераход ад рэагавання на крызіс да фарміравання механізму кіравання з доўгатэрміновым эфектам. 

Варта аб'яднаць веды і дзеянні, распачаць практычныя крокі, ажыццявіць распрацаваныя ў гэтым годзе планы дзеянняў у такіх галінах, як устойлівае развіццё, "зялёныя" фінансы, павышэнне энергаэфектыўнасці і барацьба з карупцыяй. Неабходна весці сумеснае будаўніцтва і дзяліцца з усімі яго вынікамі, ствараць платформы для супрацоўніцтва.Трэба прыслухоўвацца да голасу ўсіх краін свету, у асаблівасці дзяржаў, якія развіваюцца, зрабіць працу "Групы дваццаці" больш інклюзіўнай, яшчэ лепш рэагаваць на патрэбы народаў розных краін. Варта дзейнічаць разам, развіваць дух партнёрства з тым, каб пераадолець усе перыпетыі, якія перажывае сусветная эканоміка, і пракласці новы курс да будучага росту. 

"Мы спадзяемся, што Ханчжоўскі саміт зможа дасягнуць пастаўленых перад ім мэт, а менавіта: стымуляваць рост сусветнай эканомікі, узмацніць міжнароднае эканамічнае супрацоўніцтва, спрыяць развіццю "Групы дваццаці", — адзначыў кіраўнік КНР. Пасля на нарадзе першага этапу ўдзельнікі саміту правялі паглыблены абмен думкамі і дасягнулі важнага кансенсусу па пытаннях узмацнення каардынацыі макраэканамічнай палітыкі і інавацыйнага спосабу росту.

Выбар рэдакцыі

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.

Культура

ЗЕНА: Ад сцэны не стамляюся!

ЗЕНА: Ад сцэны не стамляюся!

Графік у артысткі вельмі насычаны.

Грамадства

Звыклыя выключнасці. Ці можна зразумець «лічбавае племя»?

Звыклыя выключнасці. Ці можна зразумець «лічбавае племя»?

Даследаванне «Пакаленне «Z» у пытаннях і адказах» было прадстаўлена падчас навуковага стэндапа, арганізаванага для навучэнцаў профільных педагагічных класаў у БДПУ.

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».