Вы тут

Зубр, які сышоў з Белавежскай пушчы, вернецца назад


16 жніўня ў нашай газеце расказвалася пра зубра, які пакінуў тэрыторыю Белавежскай пушчы і блукае ў Кобрынскім раёне на мяжы з Украінай.


Яго бачылі ў Лелікаве, Павіцці, іншых вёсках. Тады ваеннаслужачыя Дзівінскага памежнага паста нават званілі ў Брэсцкую абласную інспекцыю аховы жывёльнага і расліннага свету, каб выказаць сваю заклапочанасць тым, што жывёла можа перасячы мяжу і пайсці ў суседнюю краіну.

Прайшло два тыдні, але зубр перадумаў ісці ў блізкае замежжа. Ён прыбіўся да статку кароў недалёка ад вёскі Дзівін. Днём пасецца разам з рагулямі, нанач ідзе ў лес. Паводзіць сябе міралюбіва; калі пастухі адганяюць, ён адыходзіць, але недалёка. А так скубе траву ў кампаніі вясковых каровак.

Вёску наведалі спецыялісты Нацыянальнага парку. Паводле іх высновы, зубр небяспечны для свойскай жывёлы, бо здольны нанесці смяротную траўму карове — пераламаць хрыбет. Як паведаміў старшы навуковы супрацоўнік Аляксей БУНЕВІЧ, вырашаецца пытанне аб перавозцы зубра назад у пушчу. Пагуляў — і хопіць.

Святлана ЯСКЕВІЧ

Загаловак у газеце: Зубр вернецца ў пушчу

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».