Сёння штогадовая міжнародная навукова-асветніцкая экспедыцыя «Дарога да святыняў» з Дабрадатным агнём ад Гроба Гасподняга дваццаць трэці раз адпраўляецца па маршруце праз многія гарады і вёскі Беларусі.
Хрэсныя хады да праваслаўных святыняў, сустрэчы з жыхарамі населеных пунктаў на шляху маршруту, выступленні перад школьнікамі і студэнтамі, наведванне бальніц, прытулкаў — усё гэта ў планах сёлетняй вандроўкі групы святароў, навукоўцаў, пісьменнікаў, дзеячаў мастацтва. Яны пабываюць на Святым полі ў Баранавіцкім раёне, у Баранавічах, пасёлку Чырвоная Слабада Салігорскага раёна, гарадскім пасёлку Акцябрскі і блізкай да яго вёскі Красная Слабада, у пасёлку Азарычы Калінкавіцкага раёна, Калінкавічах, Гомелі, пасёлку Парычы Светлагорскага раёна, Жлобіне. Завершыцца пяцідзённы маршрут у Рагачове на свяце Дня беларускага пісьменства.
Газета «Звязда» кожны год падрабязна знаёміць сваіх чытачоў з цікавымі сустрэчамі на шляху экспедыцыі. Сёлета прыхільнікі нашай газеты і ўсе, каго цікавіць тэма духоўнага адраджэння, гісторыі Беларусі, маюць магчымасць сачыць за ходам экспедыцыі, адкрыўшы ў інтэрнэце сайт «Звязды». Анлайн-фотарэпартажы адлюструюць сустрэчы, пазнаёмяць з удзельнікамі ўнікальнага паломніцтва, пакажуць гарады і вёскі, праз якія пройдзе чарговы маршрут.
Яўген ПЯСЕЦКІ
Фота аўтара
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.