Нацыянальная выстаўка Беларусі ў Грузіі пройдзе з 1 па 4 верасня, паведамілі ў прэс-службе Беларускай гандлёва-прамысловай палаты.
Нацыянальная выстаўка адбудзецца ў выставачным комплексе Expo Georgia. У ёй прымуць удзел вядучыя беларускія прадпрыемствы - экспарцёры прадукцыі, тавараў і паслуг у сферы машынабудавання, прамысловага абсталявання, сельскай гаспадаркі, вытворчасці спажывецкіх тавараў, прадуктаў харчавання, будаўнічых матэрыялаў, нафтахімічнай прамысловасці, дрэваапрацоўкі, лёгкай прамысловасці, аховы здароўя, спорту, турызму, транспарту, лагістыкі, навукі, адукацыйных паслуг, інфармацыйных тэхналогій, тэлекамунікацый і іншыя.
Плануюцца дзелавыя мерапрыемствы, арганізацыя кірмашу-продажу тавараў беларускай вытворчасці, а таксама культурная праграма з удзелам беларускіх артыстаў.
"Нацыянальная выстаўка стане найбольш маштабным выставачным мерапрыемствам Беларусі за мяжой у 2016 годзе і адной з галоўных выставачных падзей года ў Грузіі. Выстаўка дасць магчымасць прадставіць гандлёва-эканамічны патэнцыял Беларусі, будзе садзейнічаць умацаванню рэпутацыі краіны як вытворцы і экспарцёра якасных тавараў і паслуг, павышэнню вядомасці ў Грузіі брэнда "Зроблена ў Беларусі", - расказалі ў БелГПП.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
