Каларытная культура і гастранамія Грузіі, дабрачынны фестываль марожанага, оpen air на сядзібе Якуба Коласа і выстава «Прырода гуку» – афіша «Звязды» з 26 жніўня па 4 верасня.
Дзе: ГЗЦ Arena City (пр-т Пераможцаў, 84)
Калі: 27-28 жніўня, 09:00-20:00
Колькі каштуе: бясплатна
Ужо ў гэтыя выхадныя ў ГЗЦ Arena City пройдзе фестываль-кірмаш вырабаў ручной работы і экапрадуктаў «Таямніцы майстэрства».
Гасцей чакае цёплая атмасфера, знаёмствы з рамеснікамі і дызайнерамі, майстар-класы для дзяцей і дарослых, выступленні маладых выканаўцаў і, канешне, мноства прыгожых рэчаў, якія парадуюць вас альбо стануць цудоўным падарункам для каго-небудзь з блізкіх.
Дзе: Плошча Свабоды
Калі: 27 жніўня, 12:00
Колькі каштуе: бясплатна
Адчуць каларытную культуру і гастранамію Грузіі можна будзе ў Верхнім горадзе, які на адзін дзень ператворыцца ў адно вялікае грузінскае застолле.
Гасцей фестывалю чакае багацце аўтэнтычных грузінскіх страў і знакамітага віна ад грузінскіх і беларускіх рэстаранаў. Акрамя таго, лепшыя шэф-кухары правядуць майстар-класы, дзе раскрыюць сакрэты гатавання вядомых грузінскіх страў.
А каб не давялося сумаваць, арганізатары мерапрыемства даюць кожнаму жадаючаму магчымасць навучыцца стрыгчы авечак, ляпіць гліняны посуд, ткаць нацыянальны дыван, расціскаць вінаград для віна і яшчэ мноству іншых спрадвечна грузінскіх заняткаў.
Хэдлайнерам фестывалю стане папулярная ў Грузіі і еўрапейскіх клубах група Kahaberi & Khanums.
Дзе: ГЦ «Новая Еўропа» (вул. Сурганава 57б)
Калі: 27 жніўня, 12:00-17:00
Колькі каштуе: бясплатна
На фестывалі будуць прадстаўлены не менш за 60 гатункаў марожанага – сапраўднае свята для ласуноў!
За сімвалічнае ахвяраванне вы зможаце не толькі паспрабаваць смачны пачастунак, але і стаць удзельнікам розыгрышу прызоў. Акрамя гэтага, гасцей чакае яркі аквагрым, тэматычная фотазона, вясёлыя завадныя лялькі, майстар-класы і многае-многае іншае.
У рамках фестывалю пройдзе конкурс малюнкаў «Маё любімае марожанае». Пераможцаў чакаюць прызы!
Усе атрыманыя на фестывалі сродкі пойдуць на добраўпарадкаванне тэрыторыі вакол новага будынка дзіцячага хоспіса «Лясная паляна».
Дзе: Дзяржаўны літаратурны музей Якуба Коласа (вул. Акадэмічная, 5)
Калі: 27 жніўня, 16:00-21:00
Колькі каштуе: 1 р.
Не проста адпачыць, а навучыцца чаму-небудзь новаму і цікаваму можна будзе ў гэтую суботу ў Дзяржаўным літаратурным музеі Якуба Коласа. У якасці «настаўнікаў» будуць выступаць знакамитыя музыканты, мастакі і скульптары. Так, мастак Андрэй Дубінін распавядзе і пакажа, як звышрэалістычна выпісваюцца выявы рук і ног, музыкант Уладзімір Дрындрожык навучыць «музыцы дажджу», а скульптар Сяргей Кляшчук засведчыць, як за кароткі час стварыць драўляныя пластычныя фігуры нават навічку ў гэтай справе.
Акрамя гэтага, гасцей чакае флэш-моб ад часопіса «Мастацтва», прагляд кароткаметражных стужак маладых беларускіх рэжысёраў ва ўтульнай гасцёўні самога Якуба Коласа, гарбата з беларускіх зёлак і магчымасць напісаць жаданне пяром класіка.
Першым пяці наведвальнікам музея дастанецца эксклюзіўная экскурсія па таемных, у тым ліку і падземных, кутках дома-музея.
Дзе: Нацыянальны гістарычны музей Рэспублікі Беларусь (вул. К. Маркса, 12)
Калі: 27 жніўня, 15:00
Колькі каштуе: бясплатна
Кожны, хто ў гэты дзень завітае ў дворык Нацыянальнага гістарычнага музея, атрымае порцыю радасці, бадзёрасці і добрага настрою на ўвесь будучы навучальны год.
Акрамя выставы работ вучняў студыі «Калякі-малякі», гасцей фестывалю будзе чакаць велізарная колькасць цікавых і пазнавальных мерапрыемстваў. Так, запланаваны майстар-класы па маляванню ў нетрадыцыйных тэхніках і танцавальны майстар-клас. Гасцям фестывалю прадставіцца магчымасць вывучыць зорнае неба разам са спецыялістам у галіне астрафізікі і зрабіць сабе на памяць бірульку з сузор'ямі.
Дзе: галерэя сучаснага мастацтва «Ў» (пр-т Незалежнасці, 37а)
Калі: па 31 жніўня, кожны дзень з 12:00 да 22:00
Колькі каштуе: 2 р.
Шоргат, сыканне, рык, гуд, звон і цішыня – на некаторыя гукі мы звяртаем увагу, іншыя робяцца фонам. Гарадская цішыня гучыць амаль несупынным гудам матораў, цішыня лесу складаецца з гуду казурак, птушыных размоў і шэпту ветру ў галінах. Цішыня складаецца з шуму. Нават у абсалютнай цішыні мы будзем чуць грукат сэрца і гук цячэння крыві па судзінах. Гэта гук вакол нас.
Спрабуючы спазнаць прыроду гука і знайсці адказ на пытанне «Чаму мы адчуваем адныя гукі як цішыню, а іншыя – як забруджанне?», восем мастакоў з Літвы, Арменіі і Беларусі пражылі восем дзён у лесе, у атачэнні азёр з гулкім рэхам і балотаў, якія паглынаюць гукі.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
