Вы тут

Пінгвін стаў брыгадным генералам Каралеўскай гвардыі Нарвегіі


Каралеўскі пінгвін па імені Нільс Улаф, які жыве ў заапарку Эдынбурга, стаў брыгадным генералам Каралеўскай гвардыі Нарвегіі.


На цырымоніі прысутнічала больш за 50 нарвежскіх гвардзейцаў, якія прыбылі на Каралеўскі эдынбургскі парад ваенных аркестраў. Гвардзейцы салютавалі Улафу, а ён строга агледзеў шыхт. У генерала нават ёсць свой пагон.

Генерал Нільс Улаф — ужо трэці пінгвін у заапарку Эдынбурга, якога так завуць. Усё пачалося ў 1972 годзе, калі пінгвіна, падоранага Нарвегіяй Шатландыі, прапанавалі зрабіць сімвалам Каралеўскай гвардыі. Аўтарам ідэі быў гвардзеец Нільс Эгеліен. Ён даў пінгвіну сваё імя, а Улафам птушка стала ў гонар караля Нарвегіі Улафа V. Кожны раз, калі гвардыя прыязджае ў заапарк, пінгвіну прысуджаюць чарговае воінскае званне. Першы Нільс Улаф даслужыўся да сяржанта, ён памёр у 1987 годзе. Наступная птушка атрымала такое ж імя і атрымала ў спадчыну званне. Такім чынам трэці Нільс Улаф змог даслужыцца да генерала. У 2008 годзе яго пасвяцілі ў рыцары.

Іван КУПАРВАС

Загаловак у газеце: Крылаты генерал гвардыі

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».